Даночната yправа на Јужна Кореја објави дека даночните обврзници пријавиле странски средства во форма на криптовалути во вкупна вредност од 99 милијарди долари. Овие податоци доаѓаат откако Јужна Кореја годинава донесе одлука за задолжителна пријава на странски криптосредства.
Според официјалната статистика, 5.419 ентитети пријавиле дека поседуваат странски финансиски сметки, во кои држат вкупно 140 милијарди долари во криптовалути, акции и депозити. Од таа сума, повеќе од 70 проценти од средствата пријавени во странство биле инвестирани во криптовалути. Поточно, 1.432 поединци и корпорации пријавиле дека поседуваат криптопаричници во странство.
И покрај доминацијата на средствата во криптовалути во однос на вредноста, заштедите и депозитите водат според бројот на пријави. Имено, 2.952 физички лица и компании пријавиле имот од 17 милијарди долари. Дополнително, 1.590 субјекти пријавиле имот во вредност од 17,6 милијарди долари.
Даночната администрација на Јужна Кореја најави внимателна контрола на оние што нема да ги пријават своите странски финансиски сметки. Институцијата собира податоци за прекуграничен трансфер на средства, курсеви и заштеди, а најави и казни за оние што ќе ги прекршат даночните правила.
И покрај фактот што Јужна Кореја е позната како пријателска земја за криптосредствата, законодавците воведоа строги регулативи во однос на даночните обврски, а оваа година беше запленето големо количество криптовалути. Според локални извори, во претходните две години биле запленети 180 милиони долари во криптовалути поради неплаќање даноци.
Кога станува збор за даночните стапки во Јужна Кореја, владата го одложи воведувањето на данокот на добивка од тргувањето со криптовалути, кој требаше да изнесува дваесет проценти, продолжувајќи го рокот за негово спроведување за дополнителни две години.
.webp){kind=icon}
Во моментов нема коментари за веста. Биди прв да коментира...