text size
Цената на дигиталниот токен ворлдкоин (worldcoin), кој е поврзан со проектот чиј соосновач е Сем Алтман, е меѓу најнестабилните во криптосекторот во последните денови, бидејќи сагата за неговото отпуштање од „Опен еј-ај“ и потенцијалното враќање на работа го зарази деловниот свет.
Токенот почна да слабее во четвртокот од ценовниот врв позициониран на 2,48 долари заедно со падот на пазарите на дигиталните средства, но ситуацијата потоа дополнително се влоши со отпуштањето на Алтман во петокот. Ворлдкоин достигна најниско ниво од 1,84 долар во часовите по неговото заминување од фирмата, покажуваат податоците од платформата Коингеко (CoinGecko).
Ворлдкоин, исто така познат како WLD, оттогаш се зголеми за 18 проценти за 24 часа за да го врати нивото од 2,4 долари поради напорите на група директори и инвеститори на „Опен еј-ај“ да го вратат Алтман како извршен директор. Токенот има пазарна вредност од околу 280 милиони долари, што го рангира на 157-то место на криптопазарот, покажуваат податоците од 8.51 часот во понеделникот во Сингапур.
Прочитај повеќе
Сем Алтман преминува во „Мајкрософт“ како нов директор за ВИ
Алтман, кој беше отпуштен од стартапот, сега ќе води свој тим во компанијата со која и досега соработуваше.
20.11.2023
Поранешниот шеф на „Твич“ на местото на Алтман во „Опен еј-ај“
Тој ги освои директорите на „Опен еј-ај“ затоа што изгледа дека ги препознава егзистенцијалните закани што ги презентира вештачката интелигенција
20.11.2023
По разрешувањето на Алтман, претседателот на компанијата ја напушта „Опен еј-ај“
Објавата уследи само неколку часа откако одборот го разреши извршниот директор, Сем Алтман.
18.11.2023
Еден од главните ликови за ВИ, Сем Алтман, отпуштен од „Опен еј-ај“
Главниот директор за технологија Мира Мурати ќе биде привремен извршен директор.
18.11.2023
Пристигна ворлдкоин, токенот на Сем Алтман
Алтман е основач и главен извршен директор на „Опен еј-ај“ (OpenAI), а вака се поврзуваат световите на вештачката интелигенција и криптото.
24.07.2023
„Сето тоа е поттикнато од бранот вести за Алтман и загриженоста за неговата замена во ’Опен еј-ај’“, рече Ричард Галвин, соосновач на „Дигитал асет капитал менаџмент“ (Digital Asset Capital Management). Токенот „закрепна кога стана појасно дека нема клучен негативен настан што би го поттикнал потегот на одборот“, рече тој.
Ворлдкоин е систем базиран на блокчејн, кој користи мала топка за да ги скенира очните јаболка на луѓето за да создаде уникатен дигитален идентитет. Алтман е соосновач на компанијата што стои зад него „Тулс фор хјуманити“ (Tools for Humanity).
Носителите на таканаречениот World ID (дигитален идентитет) можат да добијат и ворлдкоин-токени. Монетите не се достапни во Соединетите Американски Држави (САД) поради недостиг од регулатива.
.webp){kind=icon}
