Високиот суд на Црна Гора му го продолжи притворот на коосновачот на „Тераформ лабс“, До Квон, по барање на Соединетите Американски Држави (САД) и Јужна Кореја, изјави за „Блумберг“ портпаролката на судот Марија Раковиќ.
„Судот во Подгорица одлучи да го продолжи притворот, кој истекуваше в петок, за два месеца, до 15 февруари“, рече Раковиќ. И САД и Јужна Кореја го бараат криптопретприемачот во врска со наводите поврзани со имплозијата на тераУСД (terraUSD) во 2022 година, алгоритамски стабилна валута.
Bloomberg
Високиот суд минатиот месец пресуди дека До Квон може да биде екстрадиран, оставајќи му на црногорскиот министер за правда да одлучи во која земја. „Неговата одбрана, пак, поднесе жалба на одлуката, која сега ја разгледува апелацискиот суд, исто така во Подгорица“, рече Раковиќ.
Двете земји бараат екстрадиција на Квон по обвиненијата поврзани со колапсот на дигиталните токени што тој ги создаде, односно имплозијата што однесе најмалку 40 милијарди долари. Триесет и едногодишникот беше уапсен во Црна Гора во март, со што му заврши периодот на бегство.
.webp){kind=icon}
