Конечното одобрување на САД за фондовите со кои се тргува преку берза (ETF/ЕТФ) и кои инвестираат директно во етер, второто најпопуларно дигитално средство во светот, може да дојде ова лето, изјави Гери Генслер, претседател на Комисијата за хартии од вредност на САД - СЕЦ (англ. Securities and Exchange Commission - SEC).
„Издавачите сè уште работат на процесoт на регистрација што функционира непречено“, рече Генслер за време на сослушувањето во четвртокот пред поткомитет на Сенатот.
Пораките на Генслер се уште еден показател дека долгоочекуваното лансирање на етер ЕТФ веројатно се ближи. Минатиот месец СЕЦ дозволи првична рунда на барања од неколку берзи за тргување со овие финансиски производи.
Конечното одобрување зависи од квалитетот на нивните објави до заинтересираните инвеститори. Комисијата го одобри лансирањето на спот биткоин ЕТФ во јануари.
Генслер одговараше на прашањата на сенаторот Бил Хагерти, републиканец од Тенеси и рангиран член на поткомитетот на Сенатот за финансиски услуги и општа администрација. „Етер исто така треба да биде одобрен, целосно“, рече Хагерти во однос на барањата за ЕТФ.
Менаџерите на фондови во компании, вклучувајќи ги „Ванек“ (VanEck Associates), АРК (ARK Investment Management), „Блекрок“ (BlackRock Inc.) и „Фиделити“ (Fidelity Investments), сè уште ќе имаат потреба од одобрение од СЕЦ за да ја направат новата класа на средства реалност.
.webp){kind=icon}
