Извештајот за пазарот на работна сила во Соединетите Американски Држави (САД), во петокот покажа резултати подобри од очекуваното, што би можело да предизвика воздржаност кај криптовалутите, па дури и да го бутне биткоинот до ниво од 15.000 долари, оценуваат хеџ фондовите, кои што отфрлија голем дел од своите удели во криптовалути кон крајот на август.
Подобрените параметри за вработеност може да ги зголемат изгледите за уште поостро зголемување на каматната стапка од страна на американските Федерални резерви (ФЕД), загрозувајќи го нивото од околу 20.000 долари на кое што биткоинот се држеше од распродажвата на средината од август, рече Макс Гокман, задолжен за секторот инвестиции во AlphaTrAIu, додавајќи дека „нивото од 20.000 долари има голема важност. Па, ако биткоинот падне под тоа ниво, тогаш ќе доживее длабок пад“.
XBTEUR:CUR
XBT-EUR Cross Rate
19.901,84 EUR
-160,51 -0,80%
почетна цена
20.002,88
претходна цена на затворање
20.062,35
промена од почетокот на годината
-51,3308%
дневен опсег
19.790,02 - 20.210,25
опсег на 52 недели
17.802,47 - 59.612,94
Биткоинот последен пат беше близу до нивото од 15.000 долари пред две години, во почетната фаза на ерата на гигантскиот раст во текот на пандемијата, а врвот го достигна минатиот ноември, кога имаше вредност од околу 69.000 долари. Дигиталните валути подоцна загубија многу од својата вредност поради заострувањето на монетарната политика, што придонесе да пропаднат дури и цели крипто фирми.
Прочитај повеќе
Биткоинот се повлекува под 20.000 долари
Биткоинот утрово накратко падна за дури 2,3 отсто, на 19.527 долари но, потоа се стабилизираше
29.08.2022
На биткоинот му се заканува нов пад во септември
Најголемата криптовалута годинава изгуби повеќе од 50 отсто од својата вредност.
25.08.2022
Институциите се враќаат со инвестиции на крипто пазарот
Институциите се враќаат како инвеститори во сферата на крипто валутите, додека малите инвеститори кои всушност претставуваат крвоток во криптосферата, сè повеќе се размислуваат дали да се вратат во игра.
15.08.2022
Хеџ фондот на Гокман префрли голем дел од своето крипто портфолио во готовина на крајот од август. Гокман рече дека фондот го заврши месецот со добивка од 0,4 отсто.
„Првиот тест за биткоин е дали може да остане близу до нивото од 20.000 долари, по објавата на извештајот со податоците за работната сила, каде не се вкалкулирани сезонските работници“, напиша Едвард Моја, виш пазарен аналитичар во компанијата Оанда. „Жешкиот извештај за пазарот на труд и јакнењето на обложувањата за зголемување на каматната стапка од страна на ФЕД би можеле да предизвикаат притисок надолу и да ги соочат криптовалутите со летен минимум“, додава Моја.
Ако биткоинот успее да се задржи на ниво од 20.000 долари, тоа би можело да ги зајакне аргументите дека оваа валута, а можеби и пошироко сите криптовалути, ќе се стабилизираат. Но, некои трговци очигледно се загрижени и плаќаат премии на пазарот, опција со која што може да се заштитат од пад на ниво од 15.000 долари.
.webp){kind=icon}
