Nationwide Building Society, eден од најголемите хипотекарни кредитори во Обединетото Кралство предупредува дека цените на куќите би можеле да паднат за речиси една третина според најлошото сценарио на компанијата бидејќи растот на стапките и економската несигурност влијаат на пазарот.
„Најдоброто сценарио е бавен пораст на цените на недвижностите, а најлошото е потенцијален пад од 30 отсто, но тоа се две екстремни веројатности“, рече Крис Роудс, главен финансиски директор во Nationwide Building Society, на сослушувањето на Комитетот за финансии. „Имаме пондериран просек од 8 до 10 отсто. Но, навистина е важно сите да препознаат дека ова не е прогноза“.
Во широкиот опсег на неговите прогнози се нагласува колку е неизвесна перспективата за британските домаќинства кои се соочуваат со зголемени каматни стапки и постојана инфлација. Извештајот на порталот за недвижности Zoopla предвидува пад на цените на недвижностите за дури пет отсто следната година. Основната економска претпоставка на Lloyds Banking Group Plc за 2023 година сега покажува дека цените на куќите ќе паѓаат за 7,9 отсто. Нивниот најлош модел претпоставува пад од речиси 18 отсто .
Некои се пооптимистични. Главниот финансиски директор на Банката Сантандер за „Блумберг“ минатата недела изјави дека не очекува значително да падне вредноста на недвижностите во Велика Британија во наредните години.
Просечната вредност на недвижностите падна за 0,9 отсто на 268.282 фунти (309.500 американски долари) во октомври, што е најостриот пад од почетокот на пандемијата со „Ковид-19“, соопшти во вторникот „Nationwide“. Цените достигнаа рекордно високо ниво на почетокот на годината.
.webp){kind=icon}