Вредноста на доларот најниска од април 2022 година

Доларот падна втор ден по ред поради статистичките податоци што покажуваат дека цените на производителите во САД во декември паднале најмногу од почетокот на пандемијата, обезбедувајќи повеќе аргументи за Федералните резерви (ФЕД) да го забават темпото на зголемување на каматните стапки.

Bloomberg Mercury

 

Индексот за вредноста на доларот на „Блумберг“ ослабе дури за 0,7 проценти во текот на денешниот ден, што е најниско ниво од крајот на април.

Британската фунта се зголеми за 0,9 проценти во однос на зелената банкнота, додека еврото се искачи за 0,6 отсто.

Приносите од обврзници паднаа бидејќи трговците ги намалија очекувањата за зголемување на каматните стапки. Претставниците на ФЕД укажаа во последните денови дека на маса може да биде уште едно отстапување во темпото на затегнување на монетарната политика и зголемувањето на каматите на претстојниот состанок на ФЕД, кој треба да се одржи на 31 јануари и 1 февруари. На последниот состанок на банкарите во декември, американската централна банка се одлучи за зголемување на референтната стапка за половина процентен поен, по четирите зголемувања за 75 базични бода.

Доларот сега падна за повеќе од 10 проценти од врвот што го оствари на крајот на септември, по порастот предизвикан од агресивното заострување во поголемиот дел од 2022 година. Претседателот на ФЕД Сент Луис, Џејмс Булард, во средата рече дека стапките мора дополнително да се зголемат за да се осигури дека инфлациските притисоци ќе се повлечат.

„Податоците поддржуваат побавно темпо на заострување, но не мислам дека подароците сè уште поддржуваат пауза. Сепак, додека не добиеме знаци дека пазарот е премногу оптимистичен за инфлацијата и за ФЕД ќе биде тешко да ја врати контролата“, рече Вин Тин, глобален шеф за валутна стратегија во „Браун брадрс“ (Brown Brothers Harriman & Co) во Њујорк.

Индексот на производствените цени за производи за финална потрошувачка падна за 0,5 проценти во декември, што е најмногу од април 2020 година, а беше зголемен за 6,2 проценти во однос на истиот месец од претходната година, покажува извештајот на Министерството за труд објавен денеска.

Податоците, пак, објавени од Министерството за трговија покажаа дека продажбата на мало во САД паднала во декември најмногу за една година, што укажува на тоа дека потрошувачката можеби губи дел од отпорноста што досега го одржуваше растот на економијата во услови на нагло зголемувања на стапките.

Во моментов нема коментари за веста. Биди прв да коментира...

Остави коментар