Едно од поинтересните финансиски прашања е секако колку пари се доволни за удобен живот во пензија.
Според истражување на „Блумберг“ на 553 инвеститори низ светот, тоа е некаде помеѓу три и пет милиони долари. Околу една третина се одлучиле за три милиони, а уште една третина за некаде околу пет милиони.
Многу учесници во истражувањето се оптимисти и веруваат дека ќе ги доведат своите пензиски заштеди на повисоко ниво на крајот на годинава отколку што биле на крајот на 2022 година.
Минатата година инфлацијата и зголемените трошоци за задолжување не ги фаворизираа акциите, но ниту обврзниците, па просечната американска сметка за пензионирање се намали за околу 20 отсто.
Оваа година професионалните инвеститори, како и малите инвеститори, веруваат дека акциите и обврзниците повторно ќе тргнат по вообичаениот пат, при што обврзниците ќе служат како еден вид заштита од загуби на поризични средства.
Учесниците во анкетата не биле сигурни дали ќе имаат доволно заштеди за да го задржат својот животен стил и по пензионирањето. Помалку од половина рекле дека има 100 проценти шанси да се случи тоа.
„Не е изненадувачки. Иако се чини дека инфлацијата се лади, таа го зголемува количеството пари потребни за пензионирање“, посочи Кристин Бенц, директорка во американската фирма за лични финансии и планирање на пензионирањето „Морнингстар“ (Morningstar).
Неизвесноста ја одразува и сегашната економска перспектива, која вклучува опаѓање на профитабилноста на компаниите и можна рецесија.
Боб Шеј, главен инвестициски стратег во „Дајнасти фајненшл“ (Dynasty Financial Partners), очекува неамериканските средства да ја започнат годината со натпросечни перформанси, а испитаниците во истражувањето веруваат дека најдобар принос од инвестициите во долари може да има во Азија.
Повеќето инвеститори не ги приспособиле своите планови за пензионирање и покрај несигурните економски изгледи и неодамнешните загуби на нивните сметки. Околу 56 отсто од анкетираните рекле дека се држат до своите постојни планови, а осум отсто рекле дека никогаш нема да се пензионираат.
.webp){kind=icon}
Во моментов нема коментари за веста. Биди прв да коментира...