.webp){kind=icon}
Ликвидноста на најголемиот пазар на обврзници во светот падна и, се чини, најголем проблем е кризата предизвикана од колапсот на банката „Силикон валеј“ (СВБ), која би можела да ги доведе Федералните резерви (ФЕД) во тешка позиција.
Разликите меѓу понудената и бараната цена за двегодишните, 10-годишните и 30-годишните американски државни обврзници скокнаа на највисоко ниво во последните шест месеци, според податоците собрани од „Блумберг“. Приносот на 10-годишните записи беше во опсег од 34 базични поени, што е најширок коридор уште од пандемиската 2020 година.
„Неодамнешниот развој на пазарот, агресивноста од ФЕД, добрите економски показатели и ризиците од поголема банкарска криза се мешаат и ја прават ситуацијата сè потешка за поднесување“, вели Јуџин Леов од сингапурската ДБС (DBS Bank Ltd). Поширокиот опсег на споменатите ценовни разлики е показател за нестабилност и ги прави нервозни учесниците на пазарот.
Прочитај повеќе
Колапсот на СВБ изнесе на виделина многу проблеми
Штедачите во СВБ треба во целост да ги добијат депозитите, дури и ако нивните средства се над ограничувањето од 250.000 долари.
14.03.2023
Приказ на драматичниот шок од колапсот на СВБ
Додека главните капитални индекси закрепнуваат од минатонеделниот пад, новата нестабилност ги зафаќа сите видови средства.
13.03.2023
Директорот на СВБ продал акции за 3,6 милиони долари пред банкротот
Главниот извршен директор на банката „Силикон валеј“ (СВБ), Грег Бекер, продал акции на компанијата во вредност од 3,6 милиони долари.
13.03.2023
Цените во САД растат и создаваат уште поголем притисок врз ФЕД
Основните потрошувачки цени во САД во февруари пораснале најмногу во последните пет месеци.
14.03.2023
Прогнозираме што ќе одлучи ЕЦБ в четврток и како ќе влијае СВБ
Очекуваме ЕЦБ на состанокот оваа недела да ги зголеми сите каматни стапки за 50 базични поени.
14.03.2023
Разлики меѓу понудените и бараните цени на обврзниците во базични поени. Од врвот кон дното, графиконот ги прикажува движењата на двегодишните, петгодишните, 10-годишните и 30-годишните записи
Bloomberg Mercury
Падот на ликвидноста укажува и на фактот дека следните одлуки на ФЕД веќе не може толку лесно да се предвидат. Причина за тоа е колапсот на три американски банки, што ги покажа негативните ефекти од повисоките трошоци за задолжување на банките. Нестабилноста на тргувањето може да предизвика повеќе проблеми, бидејќи може да се прелее кај деривати што користат должнички записи како основа.
Индикаторот за нестабилност оваа недела достигна највисоко ниво од 2009 година, покажуваат податоците на „Интернешнл ексченџ“ (Intercontinental Exchange Inc.). Американските власти не се колебаа и ги осигурија од загуби штедачите на СВБ, но и на другите помали банки. Сепак, некои аналитичари не се сигурни дека работата е решена.
„Веројатно сè уште е рано да се размислува за потресите на банкарскиот пазар како завршена работа“, рече Кијоши Ишигане од „Мицубиши асет менаџмент“ (Mitsubishi UFJ Kokusai Asset Management Co.). „За неколку месеци можеме да видиме ново намалување на ликвидноста и нов раст на цените“, додаде тој.
