.webp){kind=icon}
Првиот човек на „МК Груп“, Миодраг Костиќ, еден од најбогатите граѓани на Србија, ја презеде сопственоста на глобалната Адико банка со купување на повеќе од 1,1 милион акции на почетокот на оваа година. Тој сега е најголемиот акционер на банката со седиште во Австрија.
Според последните податоци достапни на терминалот на „Блумберг“, Костиќ поседува 1.947.901 акција. Ова е доволно за удел од 9,99 отсто од акциите на Адико банка АГ. Вредноста се проценува на 25,13 милиони евра.
Костиќ го започна своето патување со Адико банката со купување нешто повеќе од 1,1 милиони акции во последниот квартал од 2022 година. Потоа купил дополнителни 645.000 акции во првиот квартал од оваа година и 155.000 акции во вториот квартал.
Податоците од терминалот на „Блумберг“ покажуваат дека Костиќ има повеќе акции од „ДДМ Холдинг АГ“, Европската банка за реконструкција, „Велингтон менаџмент груп“, Даниел Јелицка, „Винег Релиатетен ГмбХ“ и Кредит Суис.
Вредноста на акциите на оваа банка е 13 евра, покажуваат последните достапни податоци. Врвот во последните три години го достигнаа во март годинава, кога нивната вредност достигна ниво од 14,5 евра.
Преземањето во Сараево
Адико Банка АГ од Австрија објави дека планира да даде понуда за купување на преостанатите акции што не ги поседува во Адико банка во Сараево.
Bloomberg Mercury
Адико банка Сараево е една од филијалите во Босна и Херцеговина. Адико банкатаво моментов поседува 532.492 акции, што претставува 99,9985 отсто од капиталот, објави матичната компанија.
Вкупниот акционерски капитал на Адико Банка Сараево е поделен на 532.500 акции, секоја со номинална вредност од 188,55 марки. Адико банка има филијала и во Бања Лука.
Империјата на Костиќ
Холдинг-компанијата на Костиќ „Агри Европа Кипар“ (AEC Banking Group) се состои од АИК банка, Горењска банка, „MиВ Инвестментс“ и „ГБ Лизинг“. Костиќ уште во 2014 година се здоби со мнозински удел во АИК банка и со тоа ја презеде мнозинската сопственост од Земјоделската банка на Грција.
Тој во 2019 година го презеде мнозинството од словенечката Горењска банка преку АИК банката, која претходно ја презеде српската филијала на Алфа банка, во 2018 година. „ГБ Лизинг“ е компанија-ќерка на Горењска банка, а брокерската куќа „MиВ Инвестментс“ е основана од Костиќ во далечната 1995 година.
MK Group
Потоа АИК банка го презеде работењето на руската Сбербанк во Србија, бидејќи руската финансиска институција се најде во неволја поради санкциите против руските субјекти во Европската унија поради војната во Украина.
На почетокот на март годинава, АИК банка потпиша купопродажен договор за преземање на 100 отсто од сопственоста на Еуробанк Директна Србија, банка која неодамна беше споена од грчката Еуробанк и домашната Директна банка.
„Ќе продолжиме да инвестираме во банкарството и планираме да се прошириме на целиот Балкан“, изјави синот на Костиќ, Александар Костиќ, потпретседател на „МК Груп“ и член на одборот на директори на банкарската групација АЕК.
MK Group
Освен банкарството, бизнисот на Костиќ вклучува и земјоделство, прехранбена индустрија, туризам, недвижнини и обновливи извори на енергија. „МК Груп“ вработува вкупно 6.000 луѓе во сите овие области. Во текот на речиси четири децении работење, компанијата ги прошири своите операции низ Југоисточна Европа, со посебен акцент на четири земји од регионот: Србија, Словенија, Хрватска и Црна Гора.
Во Савудрија е отворен „Петрам Ресорт и Резиденс“, уникатен туристички комплекс со недвижнини кој се простира на речиси 85 илјади квадратни метри, содржи 55 вили и хотел со 179 апартмани. Инвестицијата е вредна 110 милиони евра, а зад неа стои „МК Груп“ во сопственост на Миодраг Костиќ.
Во инвестицијата со Костиќ влезе и градежниот гигант од Нови Сад, „Александар груп“ на српскиот тајкун Воислав Гајиќ. Тоа е една од најголемите инвестиции во хрватскиот туризам.
- Во пишувањето помогнаа Вања Поповиќ и Данијела Полонијо
