Народната обврзница, која лани ја најави Министерството за финансии на Словенија, ќе биде издадена на 1 февруари годинава. Станува збор за тригодишни обврзници за кои државата ќе плаќа камата од 3,4 отсто годишно.
„Мило ми е што Словенија им се придружува на земјите што им понудија обврзници на своите граѓани. Обемот на емисијата ќе биде 250 милиони евра“, објасни министерот за финансии на Словенија, Клемен Боштјанчич.
Пријавувањето ќе се одвива од 1 до 16 февруари, на 186 пункта за регистрација, преку пет дистрибутери: НЛБ, НКБМ, БКС, СКБ и Илирика.
Како што беше најавено, за купување на државните обврзници ќе биде потребна трговска сметка. „И Центарот за хартии од вредност и сите дистрибутери значително ги намалија трошоците за тргување со оваа обврзница, па изнесуваат околу 20 евра за инвестиција од 10.000 евра“, објасни министерот за финансии на Словенија. Тоа значи дека трошоците на ова ниво на инвестиции ќе изнесуваат 0,2 отсто.
Исто така, министерот уште еднаш нагласи дека при плаќањето на данокот на доход ќе се поистоветуваат приносите на физичките лица на државните записи, како и на обврзниците издадени во 2024, 2025 или 2026 година, со третманот на каматите по основа на депозити кај банките и штедилниците. „Тоа значи дека оваа камата заедно со каматата на депозитите нема да се оданочува до 1.000 евра“, уверуваат од Министерството.
Повеќе за емисијата прочитајте во текстот на словенечката редакција на „Блумберг Адрија“.
Сите детали за граѓанските обврзници овде.
.webp){kind=icon}
