„Можеме да очекуваме дополнителна нестабилност во следните месеци, што ќе биде неповолно, меѓудругото, и за нашиот пазар“, вели главниот аналитичар на „Блумберг Адрија“, Андреј Кнез, по одлуката на Европската централна банка (ЕЦБ) да ја зголеми каматнта стапка за 50 процентни поени.
„Минатата година финансиските пазари очекуваа дека негативните каматни стапки ќе се задржат. Тоа е најдобар показател колку ситуацијата денес се разликува. ЕЦБ сега сака да испрати порака дека е силен борец против инфлацијата и не се фокусира толку многу на стабилизирање на финансискиот пазар“, вели Кнез за ТВ „Блумберг Адрија“.
Според него, зголемувањето на каматите и дава сила на ЕЦБ да ја презентира програмата за која не даде доволно детали.
„Таа програма која треба да помогне за стабилизација на пазарите на капитал, кога ќе се повлече линија, многу потсетува на тоа што ЕЦБ го правеше пред десетина години. Тогаш зборуваа дека ќе направат се што е потребно за да ги стабилизираат пазарите и за да овозможат периферијата на еврозоната стабилно да се рефинансира. Листата со критериуми кои земјите од еврозоната треба да ги задоволат за да влезат во програмата е многу цврста“, вели Кнез.
Зборувајќи за потенцијалната рецесија, Кнез вели дека ЕЦБ не гледа рецесија ни годинава, ни следната година, но дека признава дека економската активност ќе се намали, па „можеби сакаат да го искористат намалувањето на активноста за да ја остварат среднорочната цел во однос на инфлацијата“.
Целата анализа погледнете ја во видеото.
.webp){kind=icon}
Во моментов нема коментари за веста. Биди прв да коментира...