Фунтата се слизна на најниско ниво во речиси четири децении, бидејќи сè поголемите показатели за рецесија во Обединетото Кралство се комбинираат со посилниот долар.
Стерлингот падна за дури 1 отсто до 1,1351 долар, најниско од 1985 година. Најнов удар беа денешните податоци кои покажаа дека продажбата на мало во Обединетото Кралство во август паднала со најсилното темпо во последните осум месеци, бидејќи влошената криза на трошоците за живот и намалената доверба ги принудуваат купувачите да го намалат трошењето.
GBPUSD:CUR
GBP
1,1408 USD
почетна цена
1,1467
претходна цена на затворање
1,1467
промена од почетокот на годината
-15,9548%
дневен опсег
0,00 - 0,00
опсег на 52 недели
1,14 - 1,38
„Денешните податоци за продажбата на мало беа ужасни“, рече аналитичарот на MUFG, Дерек Халпени. „Курсот стерлинг-долар дополнително ќе опаѓа во услови на зголемена нестабилност на финансискиот пазар“, додаде тој.
Британската валута годинава падна за околу 16 отсто. Иако тоа главно се препишува на силниот долар, при што речиси сите главни валути потклекнаа пред зелената банкнота, ситуацијата исто така ги одразува изгледите за рецесија во ОК и политичката несигурност со новата влада. Буџетите на домаќинствата се притиснати од инфлацијата која е на највисокото ниво во последните речиси 40 години.
Ваквите спротивставени ветрови почнуваат да се рефлектираат и во однос на другите валути. Фунтата денеска го достигна најслабото ниво од февруари 2021 година во однос на еврото.
.webp){kind=icon}
