.webp){kind=icon}
Домашните производни капацитети во јули обезбедиле 82,4 отсто од вкупната електрична енергија во земјава. Останатите 17,6 отсто се обезбедени од увоз, покажуваат податоците на Државниот завод за статситика.
Вкупното бруто производство во јули годинава било за 11,8 отсто помало од истиот месец лани. Намаленото производство во споредба со 2021 година се должи на минималното производство во ТЕТО, потоа на помалото производство во биогасните електрани и хидроелектраните заради сушата летово. За разлика од нив, поголемо производство имале термоелектраните, ветерните и соларните електрани.
Најмногу струја во јули произвеле термоелектраните, над 60 отсто од вкупните количини. Во споредба со лани, работата на овие централи е за третина поголема.
Во јули, вкупно биле потрошени 525 730 МWh електрична енергија, 12.592 мил. нм3 природен гас, 466 130 тони јаглен и 97 117 тони нафтени продукти.
