Цената на житото во петокот падна на најниско ниво во последноте пет недели поради загриженоста за побарувачката, но сега може да се врати на голема врата откако Русија во саботата одлучи да се повлече од договорот за испорака на украинско жито, наведувајќи го како причина нападот со беспилотни летала врз нејзините воени бродови на Крим.
Очекувано, Киев и неговите сојузници, САД, Велика Британија и Европската унија, ја осудија одлуката на Русија да се повлече од договорот за транспорт на жито од три пристаништа на Црното Море.
Претставникот на ЕУ за надворешна и безбедносна политика, Жозеп Борел, ја повика Русија да ја преиспита одлуката, а во исто време Константин Косачев, заменик-претседателот на Горниот дом на рускиот парламент, рече дека Русија е подготвена „целосно да го замени украинското жито со сопствен извоз“.
Од август, Украина спровела извоз на околу девет милиони тони храна, вклучувајќи жито и пченка.
„Русија блокира два милиона тони жито за Алжир, Јемен, Виетнам, Бангладеш и други токму во овој момент“, напиша на „Твитер“ украинскиот министер за надворешни работи, Дмитро Кулеба.
Американскиот претседател Џо Бајден го осуди рускиот потег.
„Ова ќе го зголеми гладот. Нема причина да го прават ова. Но, секогаш кога ќе направат срамен потег се обидуваат истиот да го оправдаат така што велат дека Западот ги принудил на тоа“, рече Бајден.
.webp){kind=icon}
