Цената на нафтата скокна откако Кина објави одредено олеснување на својата строга стратегија за нулта ковид, потег што може да доведе до повеќе домашни и меѓународни патувања и да ја зголеми побарувачката на стоки.
Нафтата ВТИ (West Texas Intermediate - WTI) поскапе дури за 2,8 отсто и се тргуваше над 88 долари за барел. Кина го намали времето кое луѓето што влегуваат во земјата мора да го поминат во карантин и ќе му стави крај на системот што ги казнува авиокомпаниите за внесување случаи на вирус во земјата, соопшти Националната здравствена комисија.
„Овие потези се планирани подолго време, но дополнително ќе ги поттикнат шпекулациите за пошироко олабавување на мерките за контрола на ковид во Кина, што ќе влијае на раст на енергијата и стоките“, рече Вандана Хари, основач на „Ванда инсајтс“ (Wanda Insights) во Сингапур.
Bloomberg Chartmaker
Политиката за нулта ковид се заснова на заклучувања и масовни тестирања, со цел инфекциите да се држат под контрола, а годинава тоа влијаеше на кинеската економија. И покрај стратегијата, дневните случаи се искачија на највисоко ниво од април. Инвеститорите бараа индиции за какво било олеснување, а пазарите неодамна беа раздвижени од гласините за попуштање на мерките.
Цени:
- ВТИ за испорака во декември беше за 2,4 отсто повисока, на 88,56 долари за барел, во 14:11 часот во Сингапур.
- Брент за јануарско порамнување поскапе за 2,3 отсто, на 95,78 долари за барел.
Нафтата изгуби речиси една третина од својата вредност од почетокот на јуни поради загриженоста од забавување на глобалната економија и агресивното монетарно затегнување од страна на централните банки. „Црното злато“ порасна претходно во текот на сесијата заедно со пошироките пазари, откако податоците покажаа побавна инфлација во САД од она што се очекуваше.
.webp){kind=icon}