text size
Распродажбата на акциите на технолошките гиганти и ескалацијата на непријателствата на Блискиот Исток ги турнаа берзите кон најлошата трговска сесија од јули, насочувајќи ги глобалните инвеститори кон сигурноста на обврзниците.
Цената на нафтата брент надмина 112 долари, откако смртоносните напади во Саудиска Арабија ги засилија стравувањата за снабдувањето. Акциите на Meta Platforms Inc. паднаа за 7, отсто, а нејзиниот кредитен ризик достигна рекордно високо ниво, откако плановите за зголемување на капиталните расходи повторно ги разгореа стравувањата дека технолошките компании ќе издаваат повеќе долг за да го финансираат развојот на инфраструктурата за вештачка интелигенција. Индексот S&P 500 падна за 1,3 отсто. Nasdaq 100 загуби 2,7 отсто. Индексот на производители на чипови падна за 6 отсто.
Инвеститорите се насочија кон одбранбени стратегии, но растот на акциите во здравствениот сектор ослабе, откако акциите на Moderna Inc. и Merck & Co. паднаа по извештаите што укажуваат на можно протекување податоци поврзани со вакцината против меланом. Бегството кон побезбедни инвестиции повторно го зајакна статусот на американските државни обврзници како сигурно засолниште, надминувајќи ги грижите поради инфлацијата поттикната од цената на нафтата. Приносот на десетгодишните обврзници падна за 16 базични поени, на 4,96 отсто.
Прочитај повеќе
Дали „Спејс екс“ и „Тесла“ ќе се спојат? Еве што треба да знаете
ВИ и развојот на заедничка инфраструктура се главни причини за ова потенцијално спојување.
пред 3 часа
„Мета“ има идни обврски „тешки“ 825 милијарди долари
Најголемиот дел од обврските е поврзан со компјутерската моќ, центрите за податоци и енергетската инфраструктура.
пред 5 часа
„Тесла“ ги намалува инвестициите за 5 милијарди долари - како ќе се одрази тоа?
„Тесла“ го намали својот план за капитални расходи за оваа година на приближно 20 милијарди долари, со што се појавуваат сомнежи во однос на темпото на инвестирање во клучни призводи.
пред 6 часа
„Технолошките акции се најдоа под притисок поради обновените стравувања за преценетата вредност на компаниите поврзани со вештачката интелигенција. Повторниот раст на цените на енергенсите придонесе за избегнување на ризичните инвестиции“, изјави Ијан Линген од BMO Capital Markets. „Американските државни обврзници се издвоија како главен добитник.“
По исклучително силниот раст на технолошките акции, пазарите сè повеќе бараат докази дека инвестициите во вештачка интелигенција ги даваат очекуваните резултати. Воедно, растат грижите за одржливоста на таквите расходи во услови на повисоки каматни стапки, според Џејмс Мекен од Edward Jones.
„И понатаму имаме позитивен став кон акциите на големите компании“, рече тој. „Сепак, инвеститорите треба да се погрижат нивните портфолија да бидат добро диверзифицирани.“
Резултатите на Meta го означија почетокот на сезоната на објавување финансиски резултати на технолошките компании, која веројатно ќе се фокусира на неконтролираниот раст на расходите за вештачка интелигенција и на обидите на компаниите да остварат поврат на инвестициите. Alphabet Inc., Microsoft Corp. и Amazon.com Inc., три од најголемите инвеститори во центри за податоци, треба да ги објават своите резултати следната недела.
Претседателот на Blackstone Inc., Џон Греј, изјави дека инвеститорите не треба да се грижат дека бумот на вештачката интелигенција ќе се претвори во меур, само неколку дена откако милијардерот Кен Грифин рече дека се плаши оти индустријата „речиси сигурно“ се движи во таа насока.
„Кога размислувате за меур, мислите на изградба на капацитети со надеж дека побарувачката ќе дојде потоа. Кај вештачката интелигенција, градите капацитети и се надевате дека ќе можете да ја следите побарувачката“, изјави Греј за Bloomberg Television, откако компанијата ги објави резултатите за третото тримесечје.
Во меѓувреме, кинеските акции навлегоа во мечкин пазар, при што од мај, кога го достигнаа врвот, се изгубени 2,4 билиони долари од нивната вредност. Продолжениот пад на потрошувачката и сè поголемите сомнежи за профитабилноста на компаниите за вештачка интелигенција придонесоа кинескиот пазар да стане еден од најслабите во светот.
Во исто време, притисокот врз францускиот пазар на обврзници се засили, при што разликите во приносите достигнаа највисоко ниво во последните 15 години. Широкото повлекување од ризичните инвестиции и заканата од нов викенд исполнет со протести дополнително ја зацврстија позицијата на Франција како слаба алка на глобалните пазари.
Главни вести од компаниите
- SpaceX соработува со Apollo Global Management, Nvidia Corp. и десетици други компании во рамките на нова партнерска програма за воведување и унапредување на своите системи за вештачка интелигенција Grok, во обид да ја поттикне нивната поширока деловна примена.
- Tesla Inc. ги намали плановите за расходи, откако инвестициите во претходното тримесечје беа под очекувањата. Ова претставуваше значајно изненадување во квартал во кој компанијата ги надмина процените на аналитичарите за добивката.
- International Business Machines Corp. (IBM) оствари приходи од консултантски услуги пониски од очекувањата на Волстрит, разочарувајќи ги инвеститорите кои веќе се загрижени поради пошироката промена во корпоративните расходи за технологија.
- Procter & Gamble Co. ги надмина очекувањата на Волстрит за продажбата и добивката. Резултатите покажуваат дека ограниченото зголемување на цените на производите на сопственикот на брендот Tide успешно ги привлекува потрошувачите со ограничени буџети, без да ја намали добивката.
- Lockheed Martin Corp. ги зголеми прогнозите за целата година, потпомогната од растот на глобалните расходи за одбрана, што позитивно влијаеше врз нејзиното портфолио на ракетни системи.
Акции
- S&P 500 падна за 1,3 отсто до 13:31 часот по њујоршко време.
- Nasdaq 100 падна за 2,7 отсто.
- Dow Jones Industrial Average падна за 0,1 отсто.
- MSCI World Index падна за 1,2 отсто.
Валутни пазари
- Индексот Bloomberg Dollar Spot остана речиси непроменет.
- Еврото остана речиси непроменето на 1,1222 долари.
- Британската фунта остана речиси непроменета на 1,3403 долари.
- Јапонскиот јен зајакна за 0,7 отсто, на 156,97 јени за долар.
Криптовалути
- Биткоинот падна за 3,9 отсто, на 81.321,04 долари.
- Ether падна за 4,4 отсто, на 2.381,6 долари.
Обврзници
- Приносот на десетгодишните американски државни обврзници падна за 16 базични поени, на 4,96 отсто.
- Приносот на десетгодишните германски обврзници падна за девет базични поени, на 3,33 отсто.
- Приносот на десетгодишните британски обврзници падна за пет базични поени, на 5,33 отсто.
Суровини
- Американската сурова нафта ВТИ (West Texas Intermediatе) поскапе за 2,2 отсто, на 99,32 долари за барел.
- Спот-цената на златото падна за 2,3 отсто, на 4.045,29 долари за унца.
.webp){kind=icon}
