Европа сè уште многу се потпира на Русија за увоз на дизел, а има помалку од десет недели додека санкциите не ја блокираат оваа трговија. Тоа е остар потсетник за работите што Европа треба да ги направи во обидот да најде нови извори.
Европската унија и Велика Британија примиле од Русија речиси половина од својот увоз на дизел-гориво во првите 24 дена од овој месец, покажуваат податоците на „Вортекс“ (Vortex) собрани од „Блумберг“. Нивото на потпирање драстично се зголеми од октомври, кога вкупниот увоз во регионот се зголеми како дел од борбата против штрајковите што го загрозија францускиот капацитет за преработка на нафта.
Севкупно, танкери испорачувале во просек 1,34 милион барели дизел-гориво дневно во ЕУ и Велика Британија од 1 до 24 ноември, според податоците на „Вортекс“. Тоа е пониско од октомври, но, сепак, е повисоко од просекот за првите десет месеци од годината.
Увозот на руски дизел во Европа останува висок / Bloomberg
Од 5 февруари, санкциите на ЕУ ќе го прекинат увозот на дизел и други рафинирани производи од Русија по морски пат. Земјата останува убедливо најголемиот надворешен доставувач на Европа, што значи дека купувачите се соочуваат со остра криза, освен ако не можат да набават повеќе барели од друго место за да се пополни празнината.
ЕУ и Велика Британија добивале околу 600.000 барели дизел-гориво дневно во пратки од Русија во периодот од 1 до 24 ноември, што е 45 отсто од вкупниот број пристигнати. Во октомври од Русија зеле 34 отсто, а просекот за првите десет месеци од годината е 51 отсто.
Извозот од пристаништето Приморск на Балтичко Море драстично се зголеми минатиот месец и треба да се зголеми уште повеќе следниот месец.
Декември е последниот месец во кој на трговците од „ИЦЕ гасоил“ (ICE Gasoil), главниот европски пазар за фјучерси на дизел, ќе им биде дозволено да испорачуваат руско гориво во магацините во регионот АРА (Амстердам - Ротердам - Антверпен), преку ваквите договори.
Други увозници на дизел од Русија се Франција, Германија и Полска.
Руски резерви
Додека Европа е под притисок да најде алтернативни резерви, Русија исто така треба да детектира нови локации за својот извоз - во септември повеќе од половината замина за ЕУ. Турција е исто така важен клиент, заедно со Мароко и Тунис. Русија исто така извезува големи количества други нафтени деривати.
Нафтата е производ што може да се користи или за производство на бензин или како суровина во петрохемиската индустрија.
Мазутот, во суштина, е остаток од процесот на рафинирање и има повеќекратна потенцијална употреба, вклучувајќи и за производство на електрична енергија и како гориво за бродови.
Вкупните испораки на нафтени деривати од Русија овој месец се на пат да го достигнат највисокото ниво на барели дневно од февруари, кога започна инвазијата на Украина.
Русија е главен извозник на нафтени деривати / Bloomberg
Од руските пристаништа не секогаш се извезува целото гориво произведено во Русија, има количества што се испраќаат преку други земји и тие не се вклучени во статистиката што се користи во овој текст.
.webp){kind=icon}
