text size
Холандската компанија „Витол“ (Vitol), еден од најголемите светски трговци со енергија, вели дека САД би можеле да дозволат на глобалниот пазар да влегува повеќе нафта од Иран, кој е под санкции, без обновување на нуклеарниот договор од 2015 година.
Според „Витол“, САД би можеле да замижат пред пристигнувањето на иранската нафта на пазарот, доколку една од клучните теми на овогодинешните парламентарни избори во САД биде цената на горивото.
„Чичко Сем би можел да дозволи малку повеќе иранска нафта“, вели аналитичарот на „Витол“ за Азија, Мајк Мулер. Вашингтон досега не коментираше ништо.
Разговорите меѓу Иран и светските сили за оживување на нуклеарниот договор, кој ги ограничува активностите на Иран на полето на нуклеарната енергија во замена за ублажување на санкциите, се во застој од март.
„Шансите за постигнување договор се намалуваат. Но, со дополнителен напор сè уште можеме да го постигнеме тоа“, изјави овој викенд шефот за надворешна политика на Европската унија, Жозеп Борел.
Иран, и покрај санкциите, годинава го зголеми извозот на нафта, но најмногу во Кина. Договорот за заживување на нуклеарниот договор би додал меѓу 500.000 и милион барели дневно на меѓународните пазари, што секако позитивно ќе се одрази на цената на нафтата.
.webp){kind=icon}
