text size
Еден ефект од енергетската криза стана јасен: компаниите кои продаваат струја, нафта и гас заработуваат богатство. Toa веројатно ќе се зголемува кога ќе стапи забраната на Европската унија за руските горива овој месец.
„Шел“ (Shell Plc) е последната од низата компании која објави рекордна заработка поради зголемените цени на енергијата. „Ексон“ (Exxon Mobil Corp.) и „Шеврон“ (Chevron Corp.) исто така објавија рекордна заработка во изминативе денови. Огромен профит објавија и „Центрика“ (Centrica Plc) и „ССЕ“ (SSE Plc) во Британија, како и германската „РВЕ“ (RWE AG).
Компаниите уживаат неочекувани добивки најмногу поради ограничената понудата и напорите за решавање на овој проблем. Во Европа, Русија ги намали испораките на природен гас во регионот, зголемувајќи ги и цените на гасот и на електричната енергија. За да ја пополни празнината, континентот се потпира на увоз на течен природен гас. Профитот на „Шел“ од речиси 40 милијарди долари минатата година беше делумно помогнат од нејзината единица која произведува и тргува ЛНГ.
Европските рафинери, исто така, може да забележат засилување откако ограничувањата на ЕУ за поморските испораки на руски горива ќе стапат на сила во на 5 февруари, според анализата на „БлумбергНЕФ“ (BloombergNEF). Маржите за рафинирање на континентот ќе бидат зголемени барем до септември.
Русија е најголемиот надворешен снабдувач на дизел на континентот, а европските купувачи сега пребаруваат други региони за да ја пополнат празнината.
Иако повисоките цени на енергијата се одлични за оние што ја продаваат, тие се погубни за потрошувачите - поттикнуваат историска инфлација, го зголемуваат јазот во богатството и во Британија предизвикаа бран на работнички немири поради кризата со трошоците за живот.
Заработката на „Шел“, како и на другите енергетски компании неодамна, предизвика бурни реакции. Компанијата со седиште во Лондон минатата година плати 100 милиони долари неочекуван данок, но критичарите во политичките, работничките и академските кругови велат дека тоа не е доволно.
Внимавајте на другите приходи во наредните денови. Европските гиганти „БП“ (BP Plc) и „Тотал“ (TotalEnergies SE) треба да ги соопштат резултатите следната недела.
.webp){kind=icon}
