Бугарскиот претседател Румен Радев побара од азербејџанскиот претседател Илхам Алиев зголемување на испораките на природен гас, велејќи дека интеграцијата на гасните мрежи на голем број европски земји ќе помогне да се зголеми увозот од каспискиот регион.
Радев вели дека Бугарија планира да ја поврзе својата гасоводна мрежа со онаа на Романија, Унгарија и Словачка за да го зголеми снабдувањето со природен гас од Азербејџан.
„Сега одлуката е ваша“, му рекол тој на Алиев, се вели во соопштението од кабинетот на азербејџанскиот претседател.
Радев бил во главниот град на Азербејџан, но не можел лично да се сретне со Алиев бидејќи член на бугарската делегација бил позитивен на Ковид-19, соопшти кабинетот на Алиев. Лидерите зборувале преку видео врска.
Азербејџан почна да извезува природен гас во Италија, Грција и Бугарија преку синџирот на гасоводи Јужен гасен коридор во декември 2020 година. Се очекува извозот кон Европа да се зголеми на 12 милијарди кубни метри оваа година од 11,4 милијарди кубни метри во 2022 година.
Очекувањата беа дека во 2022 година Бугарија ќе купи 600 милиони кубни метри гас од Азербејџан.
.webp){kind=icon}
