.webp){kind=icon}
Златото го задржа својот скок на највисоко ниво во последните 13 месеци и може да ја тестира својата рекордна цена како резултат на падот на доларот и зголемените облози и шпекулации дека агресивното монетарно затегнување во САД е при крај.
GOLDS:COM
GOLD SPOT $/OZ
2.023,62 USD
+3,1999999999998 +0,16%
почетна цена
2.020,42
претходна цена на затворање
2.020,42
промена од почетокот на годината
10,8776219559%
дневен опсег
2.019,47 - 2.026,40
опсег на 52 недели
1.614,96 - 2.026,40
Благородниот метал вчера го затвори тргувањето над прагот од 2.000 долари за унца, првпат од март 2022 година, откако податоците покажаа дека слободните работни места кај американските работодавци се намалија во февруари на најниско ниво од мај 2021 година. Тие податоци предизвикаа загриженост дека најголемата светска економија може да се движи кон рецесија, истовремено зголемувајќи ја веројатноста дека Федералните резерви (ФЕД) дополнително ќе го олеснат циклусот на зголемување на каматните стапки.
Движење на цената на златото / Bloomberg Mercury
Падот на вредноста на зелената банкнота оваа недела беше уште една позитива за златните прачки, кои не даваат камати, со што златото би можело да го тестира своето рекордно високо ниво од 2.075,47 долари, постигнато во август 2020 година.
„Цената на златото сега првенствено е поттикната од загриженоста за американскиот долар, при што економските фактори малку укажуваат на поддршка на валутата“, рече Дејвид Ленокс, аналитичар во „Фет профетс“ (Fat Prophets) со седиште во Сиднеј. „Златните прачки уживаат статус на безбедно засолниште поради финансиските стравови, вклучувајќи ги и неодамнешната банкарска криза и геополитичките тензии“, додаде тој.
Вчерашните податоци за новоотворени работни места и промет на трудот му претходат на месечниот извештај за работните места, кој треба да биде објавен в петок и кој внимателно ќе се следи за да се увидат повеќе знаци дели американската економија забавува.
Откако вчера затвори со раст на вредноста од 1,8 отсто, златото утрово сосема малку е променето и се тргува по цена од 2.021,05 долар за унца.
Индексот за вредноста на доларот ослабна трет ден по ред. Среброто продолжи да расте по добивката од 4,3 отсто, која ја постигна во текот на вчерашното тргување. Поскапе и платината, а вредноста на паладиумот падна.
