Цените на природниот гас во Европа повторно се зголемија, а главна причина за тоа се прекините во снабдувањето од Москва коишто се чувствуваат низ целиот регион. Владите во повеќе европски земји почнаа да вртат кон алтернативни извори на енергија и ги повикуваат потрошувачите да ја намалат употребата.
Референтните фјучерси се зголемија за дури 5,2 проценти. Германија, Австрија и Холандија одат против претходната „зелена“ политика и се вратија кон нечистиот јаглен за да се осигурат дека светлата ќе останат запалени. Големите германски индустрии се подготвени да ја намалат потрошувачката за да дозволат гасот да оди во складиштата за да има доволно залихи за греење во зима.
Прекините во снабдувањето од Русија и‘ се закануваат на европската економија во време на веќе висока инфлација и слаб раст. „Унипер СЕ“, најголемиот германски купувач на руски гас соопшти дека ќе има потешкотии да ги снабдува своите клиенти доколку ваквата ситуација продолжи. Негативното влијание зема замав, со оглед на тоа што и Данска објави „рано предупредување“ за можен недостиг од природен гас.
Прочитај повеќе
Како Европа стана зависна од рускиот гас
Купувачите од ЕУ бараат алтернативи, но руските количини се премногу големи за да се заменат на краток рок
03.07.2022
Русија повторно го 'затегна' снабдувањето со гас кон Европа
Гаспром одби поголем транзит на гас преку Украина
20.06.2022
Европа може да остане без гас сред зима ако се затвори „Северен Тек“
Можеби е неизбежно да се изврши одредено рационализирање на побарувачката
17.06.2022
„Гаспром“ ја намали испораката на гас за Италија за 15 отсто
Московскиот „Гаcпром“ соопшти дека го намалува протокот преку Северен тек, клучен гасовод за извоз на руски гас во Европа, за 40 отсто
15.06.2022
„Ние ги исполнуваме договорите што ги потпишуваме со нашите клиенти сега, но до кој степен можеме да продолжиме да го правиме тоа, не знам“, рече Клаус-Дитер Маубах, главен извршен директор на „Унипер СЕ“.
Тој додаде дека станува збор за историски момент бидејќи досега никогаш немало толку долг прекин на протокот на гас од Русија.
Bloomberg Mercury
Холандските предмесечни фјучерси за гас, кои се европски репер, се зголемија за 4,6 проценти искачувајќи се на 126,20 евра за мегават-час до 9:41 часот во Амстердам. Тие во понеделникот се зголемија за 2,5 проценти. Еквивалентот во Обединетото Кралство беше зголемен за 6,1 проценти.
Испораките на „Гаспром“ преку „Северен тек“, најголемиот гасовод до Европската унија остануваат на околу 40 отсто од капацитетот. Се вели дека санкциите кон Русија предизвикале проблеми со поправките на турбините од странско производство кои пумпаат гас во врската. Гасоводот ќе биде затворен поради одржување 10 дена следниот месец.
Европските залихи на гас засега имаат исполнетост од 55 отсто од вкупните капацитети, а складиштата се полнат вообичаено како и досега. Но, прекинот на снабдувањето може да ги спречи надлежните во намерата да има залихи од 80 отсто од капацитетите до 1 ноември, што е причина за загриженост.
„Ако овие намалени текови продолжат, оваа цел може да биде тешко да се постигне“, велат од банката „ИНГ Груп“.
.webp){kind=icon}
