Саудиска Арабија ќе го продолжи едностраното намалување на производството за еден месец, со што ќе го ограничи снабдувањето со енергeнтот и покрај очекуваното затегнување на пазарот. Вредноста на суровата нафта во Лондон забележа раст од два отсто.
Намалувањето на производството за еден милион барели дневно што започна овој месец, а кое се надоврзува на постојните ограничувања воведени од ОПЕК+, ќе продолжи во август и може да трае подолго, се наведува во соопштението на саудиската државна новинска агенција Сауди Прес. Со оваа мерка ќе се намали саудиското производство на околу девет милиони барели дневно, што е најниско ниво во последните неколку години, поради што ќе се намали и обемот на продажба.
Bloomberg
Слабата побарувачка во Кина ја запре цената на суровата нафта на 75 долари за барел, што е пониско од тоа што и е потребно на Саудиска Арабија за да го покрие својот буџет. Борејќи се со овој пад, продолжувањето на мерката за намалување на производството не е изненадување, особено ако се земе предвид дека скоро сите трговци и аналитичари анкетирани од „Блумберг“ го предвидоа овој исход.
Цените на нафтата се очекуваше да забележат голем пораст оваа година. Сепак, тие стивнаа поради стравувањата поврзани со економијата по најновите зголемувања на каматите. Се очекува залихите да продолжат да се намалуваат во втората половина од годината. Сепак, аналитичарите од Волстрит, вклучително и оние од Голдман Сакс и Морган Стенли, се откажаа од претходните проекции за раст на цената на суровата нафта до 100 долари за барел.
.webp){kind=icon}