text size
Алуминиумот напредува додека „Голдман Сакс“ (Goldman Sachs Group Inc.) останува оптимистичен во поглед на металот, предвидувајќи зголемување на глобалниот недостиг во 2024 година поради ограничувањата на кинеската понуда.
Заострената перспектива во голема мера го одразува „влијанието на ограничувањата за снабдување во Кина, каде што комбинацијата од достигнување на лимитот на капацитетите и зимските намалувања кај јуанот значи дека примарното производство на копното најверојатно ќе порасне само два отсто следната година“, напишаа аналитичарите предводени од Николас Сноудон во белешка од 26 ноември.
Банката за следната година предвидува глобален недостиг од 1,23 милион тони од важниот метал, речиси двојно повеќе од дефицитот во 2023 година, при што цената ќе се зголеми на 2.600 долари за тон во 12 месеци. Металот за тримесечна испорака во понеделникот се тргуваше околу 2.226 долари на Лондонската берза за метали.
Индустриските метали поскапеа во последниве недели, бидејќи најголемиот потрошувач Кина ги засили напорите да го спаси секторот на недвижности. Алуминиумот е поддржан и од континуираните ограничувања на производството поради зимскиот недостиг од електрична енергија и ограничувањата на капацитетите на кинеските топилници, кои произведуваат повеќе од половина од светската понуда.
Во другите прогнози, „Голдман“ очекува дека бакарот ќе порасне до 10.000 долари за тон за 12 месеци, а никелот ќе падне на 15.000 долари.
Алуминиумот поскапе за 0,5 отсто на Лондонската берза за метали до 12.01 часот по шангајско време. Бакарот за тримесечна испорака падна за 0,2 отсто, на 8.408,50 долари за тон, додека никелот падна дури за 1,5 отсто, на 15.890 долари, што е најниско ниво од март 2021 година.
.webp){kind=icon}
