Цената на златото за првпат надмина 2.200 долари за унца, откако Федералните резерви ги задржаа своите проекции за намалување на каматните стапки годинава, што укажува на тоа дека централната банка не е вознемирена од неодамнешните забрзувања на инфлацијата.
Златото се зголеми за 1,6 отсто, на рекордни 2.220,89 долари за унца во раната трговија, по што цената на благородниот метал малку падна. Цената на златото расте од средината на февруари, а порастот се должи на геополитичките тензии и купувањата на централните банки, на чело со Кина. Овој брз раст, сепак, изненади многу искусни пазарни аналитичари бидејќи немаше јасна причина.
Растот делумно беше поттикнат од очекувањата дека монетарната политика во САД ќе стане полабава, што беше потврдено од Фед во средата. Претседателот Џером Пауел повторно рече дека официјалните лица би сакале да видат повеќе докази дека цените паѓаат, но дека централната банка „според повеќето мислења ќе ги види потребните потези и дека ќе има намалување на стапките“.
Bloomberg Mercury
„Она што го видовме синоќа беше зелено светло за инвеститорите во злато“, рече Крис Вестон од „Пеперстоун груп“ (Pepperstone Group) „Фед соопшти дека засега ја толерира инфлацијата и дека силата на пазарот на трудот нема да биде пречка“ за намалување на стапките, рече тој.
Шпекулациите за точниот момент на долгоочекуваниот пресврт на Фед во монетарната политика можеби беа поттик за неодамнешниот раст на цената на златото. Податоците покажаа дека нето бројот на долги позиции во злато порасна минатата недела најмногу од 2019 година. Цената може да скокне уште повеќе кога каматните стапки во САД ќе почнат навистина да паѓаат, бидејќи ЕТФ-овите на злато се чини дека ќе напредуваат, велат од УБС.
GOLDS:COM
GOLD SPOT $/OZ
2.206,93 USD
+20,547 +0,94%
почетна цена
2.186,8
претходна цена на затворање
2.186,385
промена од почетокот на годината
6,9380216967688%
дневен опсег
2.186,80 - 2.220,89
опсег на 52 недели
1.810,51 - 2.220,89
На геополитички план постојат голем број ризици што ја зголемуваат привлечноста на златото како класа на средства со низок ризик. Се чини дека Русија има предност во војната во Украина, конфликтот меѓу Израел и Хамас продолжува со несмалено темпо и доведе до пренасочување на бродовите низ светот. Од друга страна, значајни ефекти на пазарите би можеле да имаат и претседателските избори во САД на крајот на годината.
Купувањето во Кина исто така ги зголеми цените. Покрај централната банка, граѓаните сè повеќе купуваат и монети и накит за да го заштитат својот имот од падот на пазарот на недвижности и загубите на берзата.
Цената на златото порасна за 0,8 отсто, на 2.202,82 долари за унца, во 12.04 часот во Сингапур. Индексот Bloomberg Dollar Spot падна за 0,2 отсто, а цената на среброто, платината и паладиумот порасна.
.webp){kind=icon}
Во моментов нема коментари за веста. Биди прв да коментира...