Златото би можело да достигне 3.000 долари за унца во следните шест до 18 месеци поради зголемените инвестициски приливи, но и поради очекувањата дека Федералните резерви (Фед) на крајот ќе ги намалат каматните стапки, соопшти „Ситигруп“ (Citigroup Inc), станувајќи уште една од големите американски банки што ги зголемија проекциите.
Аналитичарите предводени од Аакаш Доши ги зголемија своите процени за просечните цени во 2024 година на 2.350 долари и направија „голема ревизија од 40 проценти нагоре“ на нивната прогноза за 2025 година, на 2.875 долари. Исто така, тие наведуваат дека цената ќе биде околу 2.500 долари во втората половина од годинава.
Златото, инаку, се тргуваше по цена од 2.387 долари до 13 часот во Сингапур.
GOLDS:COM
GOLD SPOT $/OZ
2.367,37 USD
-15,96984375 -0,67%
почетна цена
2.382,74
претходна цена на затворање
2.383,33984375
промена од почетокот на годината
15,08788257763%
дневен опсег
2.363,07 - 2.392,22
опсег на 52 недели
1.810,51 - 2.431,52
Златото е во пораст во последните недели, поттикнато од војните на Блискиот Исток и во Украина, купувањето од страна на централните банки и побарувачката на потрошувачите во Кина. На 15 април цената отиде на рекордно високо ниво поради нападот на Иран врз Израел. Од „Голдман Сакс“ (Goldman Sachs Group Inc.) порачаа дека пазарот е „непоколебливо оптимистичен“ за цената на златото и ја зголемија својата прогноза за крајот на годината на 2.700 долари. УБС (UBS Group AG) очекува 2.500 долари за унца до крајот на годината.
Според „Ситигруп“, златото ќе биде водено од зголемените инвестициски приливи - оние што доаѓаат од професионални инвестициски менаџери, кои веќе ја достигнуваат побарувачката на физичките лица од Кина, како и од централните банки.
Почетокот на намалувањето на каматните стапки на Фед, или рецесијата, во 2025 година дополнително ќе ја зголеми побарувачката. Приливите во ЕТФ-овите што се базираат на злато (кои во голема мера ги немаше во последниве години) „ќе обезбеди пат до 3.000 долари“, напишаа аналитичарите на „Сити“.
„Ситигруп“ очекува цените да се смират во мај или во јуни, но потоа очекува враќање, со 2.200 долари за унца како праг на поддршка.
.webp){kind=icon}
