Гаспром повторно го обвини Сименс дека турбините на гасоводот Северен Тек не работат како што треба. Додека извори од Кремљ признаваат дека Гаспром би можел да испорачува повеќе гас, компанијата изнесува „предизвици“ кои и попречуваат во придвижување на постројките. Сименс ги отфрла критиките на Гаспром, велат дека одржувањето на опремата треба да биде рутинско.
Спорот ги илустрира и компликациите за Европската Унија која се мачи да обезбди снабдување и настојува да ја спречи рецесијата среде енергетската криза. Гаспром порано неделава го намали дотокот преку Северен Тек на 20 отсто од капацитетот, наведувајќи ги проблемите со одржувањето на турбините и санкциите кои ги воведоа западните земји кон Русија заради инвазијата во Украина.
„Ги повикуваме партнерите да ги решат проблемите што псокоро и ситуацијата со снабдувањето со гас за Европа веднаш да се нормализира“, изјави заменикот на главниот извршен директор на Гаспром, Виталиј Маркелов за државната руска телевизија.
Проблеми со турбината
Гаспром постепено го намалува дотокот преку Северен Поток од средината на јуни. Компресорската станица Портоваја во Русија, каде што поминува цевководот, проектирана е за работа со помош на шест поголеми и две помали турбини, но засега работи само една голема заради санкциите, наведува компанијата.
Постројката која беше на поправка во Канада стана предмет на спор по враќањето во Русија. Иако канадската влада направи исклучок со тоа што ја дозволи испораката во Германија, како и за идните поправки на таквата опрема, Гаспром тврди дека ваквиот исклучек не е доволен.
„Дозволата која ја издадоа канадските власти не ги зема во предвид условите на договорот со Гаспром за сервисирање на турбините“, вели Маркелов. Исклучокот е направен за компанијата Семенс Енерџи Канада која нема договор со Гаспром, додава тој.
Во моментов уште три турбини кои треба да се поправат во Канада се уште се во Русија, а има малку детали за тоа како може да бидат донесени на местото на производство и да се вратат во услови на санкции, а уште три треба да одат на држување во Сименс, вели Маркелов.
Политичко жариште
Фактот дека поправената компонента сега е во Европа создава дополнителна потреба европските власти да гарантираат дека ќе ги дозволат сите идни поправки и одржувањето на сите турбини во Портоваја, вели Маркелов. Снабдувач ссо турбините е британски производител, па потребни се слични гаранции и од Велика Британија, додава.
Русија тврди дека недостигот на документи и одржувањето на една од турбините се причина за намалување на снабдувањето со Гас. Во реалноста, Кремљ го користи Северен Тек за да го зголеми притисокот кон ЕУ да ги преиспита санкциите и поддршката кон Киев.
„Во моментов немаме пристап до турбините на лице место и досега не сме добиле никаков извештај за штета од Гаспром“, соопштија од Сименс Енерџи. „Затоа претпоставуваме дека турбните работат нормално“, вели германскиот производител.
.webp){kind=icon}