.webp){kind=icon}
Во 2022 среброто котира најслабо од главните благородни метали, но цените можеби паднаа доволно ниско за да се очекува скромно закрепнување.
Белиот метал загуби околу 11 отсто од својата вредност, оптоварен од зајакнувањето на американскиот долар, зголемувањето на каматните стапки и забавувањето на економскиот раст. Но, цените може да се зголемат подоцна годинава, бидејќи секторите за електроника и фотоволтаици ги поттикнуваат индустриските трошоци, додека побарувачката за малопродажба и накит изгледа силна, посочи претходно овој месец Џејмс Стил, главен аналитичар за благородни метали во HSBC Securities USA Inc.
„Сметаме дека понудата е поголема од побарувачката“, истакна Стил. „Главната побарувачка за сребро во индустријата ќе биде исполнета и тоа нема да се одрази на бавноста на пазарот, додека падот на цените ќе ја стимулира побарувачката од клучните потрошувачи Кина и Индија“, рече тој.
Bloomberg
Сепак, постојат препреки за зголемување на цената на среброто додека светот се подготвува за повлекување на парите од стимулации и економски пад.
Иако HSBC и натаму останува позитивна, ги намали своите прогнози бидејќи среброто го следи трендот на намалување на златото и бакарот. Банката сега прогнозира просечна цена од 22,25 долари за унца во 2022 година и 23,5 долари во 2023 година. UBS Group AG очекува среброто да се тргува по 19 долари до почетокот на 2023 година.
Среброто рано утринава во Лондон се тргуваше за 20,69 долари за унца, откако се опорави од двегодишното дно во средината на јули.
Патот на цените на среброто тесно ќе го следи оној на златото, а инвеститорите треба да размислат за купување на двата метала кога ФЕД ќе направи пресврт и ќе дојде до значително олеснување на политиката за поддршка на растот, смета Вејн Гордон, извршен директор за стоки и валути во единицата за глобално управување со богатството на групата UBS.
„Кога ќе дојдеме до таа фаза на обновување на златото, веруваме дека среброто навистина може да го надмине жолтиот метал“, додаде Гордон.
