Златото утрово постигна ценовен рекорд, при што побарувачката за благородниот метал, кој важи за сигурно прибежиште, продолжува да го поддржува растот на неговата вредност додека трговците ги следат ескалацијата на тензиите на Блискиот Исток и сè потесната изборна трка во САД.
Златните прачки утрово добија 0,3 отсто на својата вредност, искачувајќи се на историски највисоко ниво од 2.729,30 долари за унца. Растот се прелеа и на среброто, кое се тргуваше на највисоко ценовно ниво од 2012 година. А раст забележаа и паладиумот и платината.
Благородниот метал годинава ја зголеми својата вредност за над 30 проценти
Bloomberg Mercury
Пазарите се фокусирани на геополитичките ризици на Блискиот Исток, а Израел зборува за својот следен напад врз Иран откако беспилотно летало на Хезболах во саботата експлодира покрај приватниот дом на премиерот Бенјамин Нетанјаху. Американскиот претседател Џо Бајден и неговата администрација одново повикаа на обновување на преговорите за прекин на огнот во регионот, иако израелските сили се тврдокорни и се противат на отстапки.
Трговците ги репозиционираа портфолијата и поради претстојните избори во САД, кои ќе се одржат на 5 ноември. Анкетите покажуваат дека трката меѓу Доналд Трамп и Камала Харис може да биде мошне неизвесна, а инвеститорите обично бараат безбедност во златото во време на геополитичка и економска несигурност.
„Фјучерсите на златото може да пораснат до просечни 3.000 долари за унца во четвртиот квартал од 2025 година“, изјави утрово Вивек Дар, аналитичар на „Комонвелт банка на Австралија“ (Commonwealth Bank of Australia). Тој додаде и дека циклусот на намалување на каматните стапки од страна на американските Федералните резерви (Фед) веројатно ќе предизвика слабеење на американскиот долар. Пониската вредност на американскиот долар го прави златото поевтино за многу купувачи, бидејќи неговата цена се изразува во таа валута.
GOLDS:COM
GOLD SPOT $/OZ
2.731,94 USD
+10,485 +0,39%
почетна цена
2.720,3
претходна цена на затворање
2.721,455
промена од почетокот на годината
32,024062278839%
дневен опсег
2.719,73 - 2.732,82
опсег на 52 недели
1.931,74 - 2.732,82
Златото е една од стоките со најсилни перформанси во 2024 година, чија добивка досега годинава надмина 30 проценти. Оптимизмот предизвикан од намалувањето на стапките, односно од циклусот на олабавување на монетарната политика што го започна Фед, најмногу ги поттикна најновите ценовни достигнувања на златото. Силното купување и од страна на централната банка исто така беше долгогодишен столб на поддршка за цените на златото.
.webp){kind=icon}
