Површински поморски дрон помогна во спасувањето двајца членови на екипажот од американскиот армиски хеликоптер „апачи“ (AH-64 Apache) што се урна крај брегот на Оман, соопшти Централната команда на САД, што претставува првпат беспилотно возило да биде употребено во ваква операција.
Автономното површинско пловило „кросер“ (Corsair), долго 24 стапки (околу 7,3 метри), користено во спасувањето, е произведено од компанијата „Сароник“ (Saronic Technologies Inc.) и било управувано од единицата Таск форс 59 (Task Force 59) на Петтата флота на САД, која располага со површински, подводни и напаѓачки дронови.
„’Кросер’ помогна во синоќешната спасувачка операција“, посочи во соопштение капетанот Тим Хокинс, портпарол на Централната команда на САД. Дронот ги презел пилотите од урнатиот „апачи“ и ги транспортирал до друга локација во водата, каде што биле подигнати од спасувачки хеликоптер, соопшти тој.
Прочитај повеќе
САД го нападнаа Иран по соборување на американски хеликоптер, нов тест за мировните преговори
Централната команда на САД соопшти дека нејзините сили „ги нападнале иранските воздушни одбранбени станици.
пред 4 часа
Трамп го обвини Иран за соборување хеликоптер, вели САД мора да одговорат
По коментарите на Трамп, цените на акциите во САД го продлабочија својот пад, а цените на нафтата ги намалија претходните загуби.
пред 14 часа
Зошто војната на Трамп не ја уништи иранската економија?
Војната со Израел, блокадата на САД и долгогодишните санкции дополнително ја влошија ситуацијата во иранската економија, која се соочува со инфлација од 77 проценти, пад на БДП и растечка сиромаштија.
пред 23 часа
Во вторникот претседателот Доналд Трамп изјави дека Иран го соборил хеликоптерот и вети одговор.
„Кросер“, кој личи на мал брод, може да превезува товар од 1.000 фунти (околу 454 килограми) на растојание од околу 1.000 наутички милји (приближно 1.850 километри), според компанијата.
Таск форс 59 беше формирана во септември 2021 година од Петтата флота на американската морнарица за „брзо интегрирање беспилотни системи и вештачка интелигенција во поморските операции“ во Персискиот Залив. „Оперативната група почна да ги распоредува овие дронови кон крајот на март“, посочи Хокинс.
Спасувањето ја истакнува важноста на беспилотните системи, кои досега привлекуваа големо внимание поради нивните разорни напаѓачки способности.
Најголемото буџетско побарување на Пентагон досега за фискалната 2027 година предвидува околу 75 милијарди долари за дронови и технологии за борба против дронови, главно за значително зголемување на средствата за малку познатиот оддел што работи со американските специјални сили за тестирање и оценување различни вооружени системи, според претставници на одбраната.
Во декември тогашниот секретар на американската морнарица Џон Филан ја пофали компанијата „Сароник“ на платформата X затоа што го развила „кросер“ од прототип до сериско производство за само 12 месеци, преку поедноставен договорен механизам што, како што рече, „докажува како ќе изградиме хибридна флота со екипаж и без екипаж: отворена конкуренција, вистински договори, вистинска опрема за морнарите и маринците, а не само презентации. Ова сега е стандардот.“
.webp){kind=icon}
