Поради дојава за бомба, во Скопје од утрово има прекин во функционирањето на јавниот градски превоз, во пресрет на најавениот протест на вработените во ЈСП поради неисплатени плати.
Низ градските улици сообраќаат само приватните автобуси, но не и оние на Јавното сообраќајно претпријатие.
Вработени во ЈСП за МИА изјавиле дека утрово е забранет влезот во кругот на претпријатието во населбата Автокоманада и оти во дирекцијата има зајакнати контроли. Автобусите, како што велат, се повлечени од сообраќај поради анонимна дојава за рачна момба. Известувањето било било пратено синоќа преку електронска пошта.
Од МВР информираат дека денеска полициски службеници го привеле Ј.И. вработен во ЈСП, по претходна пријава околу 5 часот од страна на претпријатието.
„Ј.И. од неговата електронска пошта на службената електронска пошта на ЈСП Скопје и на електронските адреси на сите директори, службите за финансии, правни и други служби во претпријатието, испратил закана дека поради нередовното земање на плата планирал да постави бомба во автобус на ЈСП, која би експлодирала денеска за време на протестите“, се вели во соопштението.
Скопската градоначалничка, Данела Арсовска, најави дека ќе го поддржи протестот на вработените во ЈСП, кои имаат намера денеска да ги паркираат автобусите пред Владата.
Според неа, централната власт не префрлила пари за ученички и студентски билети и затоа не може да се подели плата на вработените.
Владата, пак, вчера образложи дека во 2021-2022 година студентите и учениците не посетувале настава со физичко присуство поради пандемијата на Ковид-19 и затоа не се предвидени пари за карти.
.webp){kind=icon}