Флота танкери наполнети со руски мазут и нафта е закотвена во близина на Сингапур и Малезија. Русија насочува сè повеќе текови кон Азија пред санкциите на Европската унија кои ќе стапат на сила на почетокот на декември.
Околу 1,1 милион тони мазут со висока концентрација на сулфур (HFSO) биле складирани во бродовите до оваа недела, според податоците на Vortex. Иако количината е малку намалена во однос на рекордот, сепак е двојно поголема од пред една година. HSFO се користи во производство на електрична енергија, но и како гориво за бродови опремени со технологија за намалување на загадувањето.
Сингапур е најголемиот центар за гориво на бродови во светот и клучен центар за дистрибуција на нафта во Азија. Водите на Сингапур, вклучително и малезиското пристаниште Танјунг Пелепас и теснецот Џохор, може да се користат за пренос на нафтени деривати или сурова нафта од брод до брод. Оваа практика често се користи за да се прикрие потеклото на товарот.
Така, во некои случаи, руското гориво се транспортира со неколку бродови пред да биде префрлено во еден од пловечките магацини во регионот. Vortex наведува дека Sagar Violet прво натоварил мазут од пристаништето Уст Луга во Русија и истоварил дел од товарот во друг танкер, Parose, во близина на Малезија, кој потоа би префрлил малку гориво на бродот Fortune Star, кој обично е закотвен во близина на Танјунг Пелепас.
„Мазутот од Русија се пробива на регионалните пазари за полнење бродови, рафинирање и производство на електрична енергија. Речиси 65 отсто од сите руски текови на нафта и деривати што го означиле Сингапур како дестинација, во последните три месеци завршиле во комерцијални пловечки танкери за складирање околу Танјунг Пелепас“, рече Рослан Касанех, виш аналитичар за мазут во Vortex.
Bloomberg Mercury
Бродовите користат помалку мазут откако индустријата спроведе мерки за намалување на емисиите во 2020 година, а неговата употреба во производството на електрична енергија исто така е намалена во последниве години. Приливот на руски текови во Азија влијаеше на побарувачката и го намали профитот од преработката на мазут на најниско ниво, покажуваат податоците на Bloomberg Fair Value од 2018 година.
„Веројатно е дека Русија ќе се двоуми да го намали извозот и на сурова нафта и на гориво. Се очекува дека зголемено количество нафта и деривати ќе тече кон Азија и ќе се складира на танкери околу Сингапур и Малезија, како што се приближуваат санкциите на ЕУ“, вели Џон Дрискол, основач и извршен директор на Energy Services.
.webp){kind=icon}