Американските финансиски институции минатата година потрошиле скоро 1,2 милијарда долари на плаќања веројатно поврзани со ransomware (малициозен софтвер дизајниран да го блокира пристапот до некој компјутерски систем додека не се плати одредена сума пари), најчесто како реакција на прекршувања кои потекнуваат од руски криминални групи, соопшти тамошното Министерство за финансии.
Плаќањата се зголемиле за повеќе од двојно од 2020 година, што ја нагласува погубната штета што ваквиот софтвер продолжува ја нанесува на приватниот сектор. Мрежата за спречување на финансиски криминал - Financial Crimes Enforcement Network (FinCEN), соопшти дека нејзината анализа „укажува оти хакерскиот софтвер и натаму претставува значајна закана за критичните инфраструктурни сектори на САД, бизнисите и јавноста“.
Bloomberg
Финансиските институции пријавиле 1.489 инциденти поврзани со ransomware во 2021 година, за разлика од 487 претходната година, според податоците собрани врз основа на Законот за банкарска тајна. Анализата на FinCEN вклучува износи за изнуда, обиди за трансакции и побарувања кои не биле платени.
FinCEN посочува дека најзастапените пет варијанти на софтвер за изнуда од втората половина на 2021 се поврзани со руски сајбер криминалци. Според податоците, штетата преизвикана од ваков софтвер поврзан со Русија во тој период изнесувала повеќе од 219 милиони долари.
Наодите претходно беа објавени од Си-ен-ен во вторникот.
Во март, претседателот Џо Бајден потпиша сеопфатна легислатива за сајбер-безбедност со која се задолжуваат одредени сектори да пријават прекршувања до американското Министерство за домашна безбедност во рок од 72 часа по откривањето на инцидентот и од 24 часа ако направат исплата условена од софтвер за уцена.
Хакерите кои сотојат зад ваквите софтвери нелегално доаѓаат до приватни податоци и ги објавуваат доколку нивните барања не се исполнат.
.webp){kind=icon}
