Банката на Англија (BoE) ги претстави првите банкноти со ликот на кралот Чарлс Трети, по смртта на кралицата Елизабета Втора.
Се очекува банкнотите да се пуштат во оптек во средината на 2024 година и постепено да ги заменат оние со ликот на покојната мајка на Чарлс, чиј портрет почна да се појавува на банкнотите во 1960 година.
Извор: Bank of England
Во оптек се над 4,7 милијарди банкноти на Банката на Англија, со вкупна вредност од околу 82 милијарди фунти (99,8 милијарди долари). Од 1956 година тие се печатат во „Дебден принтинг воркс“ (Debden Printing Works), строго чуван комплекс во Есекс.
Кралската ковачница, која ги произведува монетите во Велика Британија, веќе ја откри својата валута со ликот на кралот, по креација на скулпторот Мартин Џенингс. Во моментот во оптек има 27 милијарди монети со ликот на кралицата, кои ќе бидат заменети со текот на времето.
Извор: Bank of England
На задната страна на новите англиски банкноти и понатаму ќе бидат прикажани поранешниот премиер Винстон Черчил, авторката Џејн Остин, сликарот Џ.М.В. Тарнер и математичарот Алан Туринг.
.webp){kind=icon}
Во моментов нема коментари за веста. Биди прв да коментира...