„Формула 1 (Ф1) никогаш нема да се префрли на електрична енергија“, рече Стефано Доменикали, претседател и главен извршен директор на групата за моторни спортови, во интервју објавено вчера од италијанскиот весник „Ил соле 24 оре“ (Il Sole 24 Ore).
„За да помогне во намалувањето на емисиите, Ф1 развива бензин со нулта емисија што може да го користат и авиони и бродови“, рече Доменикали.
Тој ги критикуваше политичарите дека поставуваат невозможни цели за енергетска транзиција и дека имаат идеолошки пристап кон електричната енергија.
„Можно е да се достигне нула емисија без менување мотори или фрлање на постојните автомобили“, изјави Доменикали за весникот.
Европскиот парламент го потпиша договорот постигнат со земјите-членки минатата година, кој бара од производителите на автомобили да ја постигнат целта за нулта емисија до 2035 година, а оваа деценија да го намалат нивото на загадување за 55 проценти.
Купена во 2017 година од страна на американската „Либерти медиа“ (Liberty Media Corp), во договор вреден 4,4 милијарди долари, Формула 1 под водство на Доменикали започна со имплементација на план за да ги прошири популарноста и географскиот дострел на овој спорт, особено во САД.
.webp){kind=icon}
Во моментов нема коментари за веста. Биди прв да коментира...