.webp){kind=icon}
БЕГ остана без лиценца за производство на топлинска енергија, соопшти денеска претседателот на Регулаторната комисија за енергетика (БЕГ), Марко Бислимовски.
Согласно постапката, сега РКЕ ќе ја информира Владата и потоа таа, во соработка со Министерството за економија, ќе организира јавен повик за избор на нов оператор за производство на топлинска енергија. Бислимовски очекува дека роковите за избор на новата компанија ќе бидат кратки да може брзо да се организира топлинското загревање на станови и фирми во Скопје.
Во изминатиот период повеќе пати било комуницирано со БЕГ производство и од таму останале на ставот дека не можат да организираат производство со ист квалитет како порано.
„Знаете дека одреден период имавме одредени несогласувања, а потоа со добивањето на позајмицата од Владата од околу шест милиони евра, снабдувањето со топлинска енергија во градот Скопје во целост се стабилизираше. Потоа, БЕГ производство, за својата лиценца, сметаа дека повеќе нема да можат да ја вршат оваа дејност со соодветен квалитет и поради тоа Регулаторната комисија за енергетика донесе одлука за престанување на таа лиценца. Дополнително, во петокот, добивме две исти такви барања и за БЕГ дистрибуција и за БЕГ снабдување. Овие три компании кои произлегуваа од БЕГ ја вршеа оваа дејност во изминатите 9-10 години и во најголем дел ги исполнија своите обврски од лиценците. Но, дојде време кога сметаа дека не можат повеќе да дадат квалитет на испорака на топлинска енергија на соодветно ниво што е пропишано со правилата за снабдување“, вели Бислимовски.
Според него, скопјани нема да имаат последици од одлуката. Појасни дека на просторите на поранешна Југославија со парното греење стопанисуваат држани или општински претпријатија и дека е тоа добро искуство.
Бислимоски потсети дека Град Скопје се изјаснил дека не е способен да организира производство на топлинска енергија за главниот град. Останува искуството дека државата треба да се вмеша во регулирање и производство на оваа дејност.
