text size
Како работат телекомуникациските оператори во земјите од регионот Адрија ќе можете да прочитате в понеделник во новата анализа што ја подготви аналитичкиот тим на „Блумберг Адрија“.
Ефектите од климатските промени го намалуваат пристапот до вода. Тоа може да предизвика сериозни тешкотии за компаниите од повеќе сектори што ја користат водата во процесот на производство. Анализираме каква е состојбата со пристапот до вода на глобално ниво и во Македонија и како се снаоѓаат инвеститорите со тој проблем. Дополнително, ги скенираме хидропотенцијалите во нашата земја и нивната искористеност.
Народната банка продолжи со заострување на монетарната политика и освен што продолжи со зголемување на основната каматната стапка и на каматите на расположливите депозити, во текот на август донесе дополнителни измени кај инструментот на задолжителна резерва. Имено, заради натамошна поддршка на процесот на денаризација на билансите на банките беше донесена одлука за зголемување на стапката на задолжителна резерва на девизните обврски, зголемување на стапката на задолжителна резерва на обврските во денари со девизна клаузула, како и за пораст на процентот на одржување на задолжителната резерва од обврските во странска валута што се исполнува во евра. Прашуваме како овие промени ќе влијаат врз работењето на банките односно дали се очекува комерцијалните банки да ги зголемат каматите на кредитите и депозитите.
Според податоците на Државниот завод за статистика, во Македонија во изминатиов период најголем раст има кај цените на овошјето и на воздушниот транспорт. Анализираме кои се главните причини за таквите ценовни трендови.
.webp){kind=icon}
