Ограничувањата во електроенергетските мрежи, сè уште високите трошоци на зелената технологија и доцнењето во планирањето на проектите спречуваат инвестиции во вредност од 18 билиони американски долари на глобално ниво за да се исполнат климатските цели поставени до 2030 година. Сето тоа ја прави помалку веројатна и нереална ветената брза енергетска транзиција.
Со цел да се ограничи глобалното затоплување на 1,5 степен над прединдустриските нивоа, развојот на обновливите извори на енергија и електроцентралите со ниска содржина на јаглерод треба да биде трипати побрз од претходно, се наведува во извештајот подготвен од „Бостон консалтинг груп“ (БЦГ). „Треба да преминеме побрзо во фазата на имплементација, регулација и инвестирање, од политичка поддршка до одржливи деловни проекти“, рече еден од коавторите на извештајот, Морис Бернс.
Depositphotos
Емисиите од употребата на фосилни горива ја загреваат планетата и поттикнуваат екстремни временски услови, а јули беше најтоплиот месец досега. Според извештајот, сегашната брзина на енергетската транзиција во секторите како што се индустријата или градежништвото овозможува затоплување до 2,7 степени до крајот на овој век.
Најголем проблем со финансирањето се јавува кај производството на електрична енергија и крајните потрошувачи.
„Повисоките трошоци за финансирање на постројките од обновливи извори влијаат на енергијата што се произведува на овој начин, а тоа ја зголемува конкурентноста на инвестициите во фосилни извори“, се наведува во извештајот. Некои други студии имаат слични заклучоци. На пример, „БлумбергНЕФ“ наведува дека годишните инвестиции треба да се зголемат тројно оваа деценија за да се постигне целта за нето нула емисии на јаглерод до 2050 година.
Но, интересно, како што наведува БЦГ, светот има алатки и капитал потребни за промена. Од потребните 37 билиони долари до 2030 година, околу 19 билиони веќе се доделени за обновливи извори, посочува БЦГ, чија пресметка се базира на примерок од 270 енергетски компании. Владите и приватниот сектор мора да дејствуваат заедно за да ги намалат трошоците за користење технологии со ниска содржина на јаглерод и да создадат сценарио за премостување на финансискиот јаз од 18 билиони долари.
Bloomberg
Како добар пример го наведуваат американскиот закон за намалување на инфлацијата, кој поттикнува чисти технологии. Се проценува дека има околу 220 гигавати капацитет што би можеле да се активираат само во Велика Британија. Од тоа, две третини се однесуваат на ветрот, а остатокот на сонцето. Во Шпанија оваа бројка е околу 180 гигавати, а многу земји во светот имаат слични ситуации.
„Тоа не е технички предизвик, бидејќи знаеме какви технологии ни се потребни и тие постојат. Станува збор за забрзување на функционирањето на системот“, вели Бернс.
.webp){kind=icon}