Пожарот кој денес избувна во магацин за бои и лакови претставува ризик за здравјето на населението. Утринава околу 10:30 часот пожарникарите од Тетово започнале со гаснење на пожарот во магацинскиот и продажниот простор на компанијата „Еуроком“ во тетовското село Филише, при што на помош се приклучиле колеги од Скопје, Гостивар, Велес и Куманово.
Пожарот е ставен под контрола и тој не претставува опасност, но густиот и крајно штетен чад што излегува од опожарениот објект претставува ризик за населението. Се претпоставува дека изгореле 100 тони хемикалии, а поради големите количини на хемикалии кои изгореа од Центарот за управување со кризи (ЦУК) побарале од Одделот за биолошко и хемиско оружје да испитаат колкаво е загадувањето.
„Се работи за голема количина на бои и лакови, и други хемикалии, можеби и 100 тони не може се да утврди колку точно средства имало во моментот“ вели директорот на ЦУК Стојанче Ангелов.
МИА
Граѓаните да останат во домовите
Од Центарот за јавно здравје со препорака до граѓаните да останат во домовите и да не излегуваат доколку нема потреба, прозорците да ги затворат бидејќи согорувањето на ваков вид на материи создава отровни и штетни гасови во воздухот.
„Наша препорака е без потреба да не се биде на ова место затоа што во моментов во воздухот имаме јаглен моноксид, јаглен диоксид, диоксини и други штетни материи. Исто така, во радиус од дава километри на луѓето им се препорачува да бидат во своите домови и без потреба да не излегуваат надвор. Во наредниот период ќе се изврши испитување на водата и почвата за да се утврди дали има загадување“, вели д-р Ратко Давидовски од Центарот за јавно здравје од Тетово.
Воздухот во Тетовско е загаден со отрови
Јаглен моноксид, јаглен диоксид и диоксидот штетни отрови кој се присутни во воздухот. Како тие влијаат врз човекот ако е изложен на високи концентрации?
Јаглен диоксид е хемиско соединение на повеќе молекули, во поголема концентрација може да предизвика задушување, дури и во присуство на доволно кислород, манифестирајќи се како вртоглавица, главоболка, дисфункција на видот и слухот и несвестица во рок од неколку минути до еден час
Јаглен моноксид е без мирис, без вкус, безбоен и, што е најважно, неиритирачки гас формиран најчесто со нецелосно согорување на цврсти и течни горива. Најчесто кај лицето се јавуваат главоболки, несвестици, а често и повраќање, слабеење на сетилото за вид, силен замор.
Диоксинот се високо токсични и штетни хемиски соединенија. Откако ќе се најде во телото, на диоксидот му се потребни седум години додека потполно се разгради.
.webp){kind=icon}