Франција прогласи највисок степен на закана од тероризам

Француските власти го подигнаа нивото на безбедносна тревога на максимум по нападот што се случи во петокот во концертната сала во Москва.

Премиерот Габриел Атал рече дека зголеменото ниво на тревога низ целата земја е оправдано со оглед на „преземањето на одговорноста од Исламската држава за нападот и заканите упатени кон Франција“.

Тој го објави ова во твит во неделата вечер, по состанокот на Советот за одбрана и безбедност организиран од претседателот Емануел Макрон во Елисејската палата. Атал во објава на Х порача дека одлуката доаѓа неколку месеци пред Париз да биде домаќин на Олимпијадата. 

Франција има три нивоа на тревога од тероризам, при што највисокото ниво се активира пред напад во Франција или во странство кога заканата од напад е неизбежна.

Тоа овозможува воведување вонредни безбедносни мерки, како што се зголемени патроли на вооружените сили на јавни места како железнички станици, аеродроми и верски објекти.