text size
Какви се најновите трендови кај кредитирањето во земјите од регионот Адрија ќе можете да прочитате во понеделник во новата анализа што ја подготви аналитичкиот тим на „Блумберг Адрија“. Истовремено, анализираме колкава е „просечната старост“ на хипотекарните кредити во Македонија.
Истражуваме каква е состојбата во авионскиот превоз во земјава, дали има простор односно потреба од воведување линии до нови дестинации и прашуваме какви чартер летови нудат агенциите.
Следиме какви ќе бидат новите чекори на Народната банка во однос на монетарната политика односно дали ќе има надолна корекција на референтната каматна стапка и анализираме какви ќе бидат ефектите од намалувањето на каматните стапки од страна на ЕЦБ.
По падот на цената на железната руда дојде до корекција на цените на челичните арматури. Прашуваме дали по намалувањето на цените на градежните материјали и очекуваниот пад на каматите на станбените кредити може да се очекува поевтинување на недвижностите. Наедно, истражуваме каква е моменталната понуда на станови на македонскиот пазар и како се движат цените.
Со оглед на тоа што во јули треба да биде исплатена каматата од граѓанската обврзница анализираме какви се приносите односно каматите на новоиздадените записи и обврзници преку кои се задолжува државата.
Ги претставуваме првите обиди за „глампинг“ во Македонија, прашуваме како оди уплатата на придонеси во ПИОМ и кој учи за вештачката интелигенција во Македонија односно како поминува бизнисот со обуки за оваа намена.
.webp){kind=icon}
