Какви резултати во работењето имаат големите нафтени компании во земјите од регионот Адрија ќе можете да прочитате в понеделник, во новата анализа што ја подготви аналитичкиот тим на „Блумберг Адрија“. Прашуваме дали има услови за нова цена на струјата и истражуваме колку би била оправдана евентуалната промена преку анализа на берзанските цени на електричната енергија и резултатите од работењето на домашните производители.
Споредуваме колкави се приносите на македонските еврообврзници во однос на германските односно дали има промени во распонот по малото олабавување на монетарната политика во Европа. Анализираме колкав е фискалниот дефицит и дали новата влада ќе треба да прави ребаланс на буџетот наесен и прашуваме за што точно се потрошија парите од солидарниот данок.
Ги откриваме опасностите од измами во онлајн трговијата и истражуваме кои работи во Македонија не можат да се купат во готовина. Бараме одговори на прашањето како популизмот се врати во Европа на голема врата и што значи тоа за фискалните политики на европските држави.
Анализираме колку ќе растат платите во јавниот сектор во согласност со постојните регулативи, но и во согласност со новиот начин на пресметка на бруто-платите во јавниот сектор од март 2025 година, според кој основната бруто-плата ќе биде еднаква на просечната месечна исплатена бруто-плата по вработен во земјава за претходната година помножена со коефициентот на сложеност на работното место.
.webp){kind=icon}
Во моментов нема коментари за веста. Биди прв да коментира...