.webp){kind=icon}
Европа ја очекува невообичаено топол почеток на септември, по летото со топлотни бранови и суша на југоисточниот дел на континентот. Се предвидува дека температурите на копното ќе бидат од 5 до 8 степени Целзиусови над 30-годишниот просек на почетокот на месецот, според „Атмосферик“ (Г2 Atmospheric G2). Јужна Германија, Балканот, Украина и Балтикот ќе бидат особено топли, изјави Метју Дрос, метеоролог во „Максар технолоџис“ (Maxar Technologies Inc).
Глобалното затоплување ќе ги пролонгира летните температури во септември, па дури и во октомври во Европа. Тоа ја зголемува заканата од екстремни временски настани, како што се поплави, насилни бури и шумски пожари, но поблагите услови исто така би можеле да го одложат почетокот на грејната сезона, што веќе се случи во 2023 година.
Септември е важен за трговците со енергија, бидејќи договорите за грејната сезона се договараат на крајот на месецот. Зголемената побарувачка за ладење ги доведе цените на струјата до рекорд во Италија во август, но зимата ќе обезбеди поголем тест за поширокиот регион.
Прочитај повеќе
Поскапува пченицата поради лошата жетва во Европа
Жетвата во Франција се одвива најбавно од 2021 година
19.07.2024
Европа е изгорена и поплавена од екстремни климатски промени
Европа најверојатно ќе мора да се приспособи на повисоките температури побрзо од кој било друг регион.
22.04.2024
Условите за суша, исто така, ќе се зголемат до септември во некои области, вклучително и поголемиот дел од Иберија, Балканот и Источна Европа, според Џејсон Николс, метеоролог во „Акуведр“ (AccuWeather Inc).
Изгледите се неизвесни за втората половина од септември бидејќи состојбата ќе зависи од влијанието на топлиот Атлантски океан и новата Ла Ниња, соопшти „Максар“. Температурите на Атлантикот се блиску до рекордно високо ниво веќе неколку месеци, а историски тој ја загрева Европа во текот на септември.
Остатоците од тропските системи, исто така, би можеле да бидат „џокер за септември“, потенцијално погодувајќи ги Британија, Франција и Иберија со силен дожд и силни ветрови, рече Николс од „Акуведр“. Минатата недела, остатоците од ураганот Ернесто предизвикаа жолти временски предупредувања за Шкотска додека бурата Лилијан дуваше од Атлантикот.
