Глобалната треска околу вештачката интелигенција (ВИ) претвори една не толку позната јапонска компанија во ѕвезда на берзата.
„Фуџикура“ (Fujikura Ltd.), која произведува кабли за дата-центри, има најдобри перформанси во рамките на индексот Nikkei 225, со пораст на акциите од над 400 проценти годинава. Компанијата им се приклучи на глобалните стандардни индекси MSCI на 25 ноември како единствен претставник од Јапонија, додека осум други компании од земјата ќе бидат отстранети.
Добро утро, ова се останатите пет вести, важни за почеток на денот.
Дали се навлековте на поткасти?
Поткаст... Нов тренд, нов медиум, нов трансмитер на размислувања, на размена на информации, споделување искуства, нов канал за забава, но и за едукација. Дали сте и вие дел од „навлечените“ на поткасти?
Јас долго го одбивав поткастот како форма, не поради тоа што доаѓам од традиционални медиуми и сум носталгичен приврзаник за весникот како медиум, туку од причина што едноставно предолго трае. Да слушаш поткаст е губење време, си велев. Дали згрешив? Секако дека да.
Македонија може да добие тргување со крипто без данок, а што по смртта?
Дваесет дена по завршувањето на изборите во САД и победата на републиканскиот кандидат Доналд Трамп, вредноста на биткоинот полета. Од нешто на 63.200 долари, колку што чинеше на денот на изборите, на 5 ноември, вчера надмина 98.500 долари. Веќе не се поставува прашањето дали ќе ја помине психолошката граница од 100.000 долари.
Според најновиот извештај на „Трипл А“, 6,8 отсто од светската популација или вкупно 562 милиони луѓе низ светот поседуваат дигитални валути. Тоа претставува раст од 33 отсто во споредба со минатата година.
Минатата недела донесе нови промени во сопственичката структура на „Македонијатурист“. „Промедика“ стана нов акционер и поседува 8,68 проценти од основната главнина на друштвото, а „Скопски пазар“ ја зголеми сопственоста на 10 проценти од основната главнина.
„Блумберг Адрија“ минатата недела објави дека во блок трансакција вредна 417,9 милиони денари (6,7 милиони евра) се продадоа 30.741 акција од „Македонијатурист“ коишто претставуваат 6,80 проценти од основната главнина на друштвото. Акциите се продадоа по цена од 13.597 денари за акција, којашто е многу повисока од просечната цена од 7.501 денар по која вчера се тргуваа акциите на компанијата.
Кулминација на битката за „Македонијатурист“: На аукција ќе се понудат 44.449 акции од компанијата
Македонската берза денеска информира дека на 27.11.2024 година (среда), на барање на членката „Еурохаус“ АД Скопје, по пат на јавна берзанска аукција на акции при продажба на големи пакети на акции ќе се понуди за продажба пакет од 44.449 обични акции издадени од „Македонијатурист“.
Тоа претставува 9,83 проценти од основната главнина на друштвото. Акциите ќе се продаваат со почетна цена од 10.150 денари по акција преку моделот “се или ништо“.
„Уникредит“ нуди повеќе од 10 милијарди долари за купување на „Банко БПМ“
„Уникредит“ (UniCredit SpA) даде понуда од 10 милијарди евра за сите акции на домашниот ривал „Банко БПМ“ (Banco BPM), отворајќи втор голем фронт за преземање, додека извршниот директор Андреа Орсел исто така преговара за преземање на „Комерцбанк“ (Commerzbank AG).
Според понудата, инвеститорите на „Банко БПМ“ ќе добијат 0,175 нови акции на „Уникредит“ за секоја акција на „Банко БПМ“ што ја поседуваат, се наведува во соопштението за јавноста. Ова ја зголемува вредноста на банката на 6,657 евра по акција, што претставува премија од 0,5 проценти во однос на цената на акциите постигната при затворањето на тргувањето во петокот.
.webp){kind=icon}
