ПОЛИТИКА
Нови санкции за руската нафта?
Администрацијата на американскиот претседател во заминување Џозеф Бајден разгледува нови, построги санкции за руската трговија со нафта, во обид да го зголеми притисокот врз Кремљ. Деталите за потенцијалните нови мерки сè уште се разработуваат, но тимот на претседателот разгледува ограничувања што би можеле да бидат насочени кон дел од извозот на руската нафта, тврдат неименувани извори запознаени со ситуацијата.
Таквиот потег е нешто на што Бајден инаку долго се спротивставуваше поради стравот дека би можел да предизвика раст на цените на енергентите, но со оглед на тоа што цените на нафтата моментално паѓаат, администрацијата на Бајден сега е отворена за поагресивни акции, додаваат добро упатени извори.
Трамп: Побрзи дозволи за инвестиции од милијарда долари
Новоизбраниот американски претседател порача дека неговата администрација ќе го забрза издавањето дозволи за секој поединец или компанија што ќе вложи барем една милијарда долари во САД. Неговата изјава е во согласност со ветувањето што го даде дека во рамките на неговиот втор мандат ќе помогне во зајакнување на енергетската индустрија, инфраструктурата и другите домашни инвестиции и ќе ги укине прописите што, како што тврди, го попречувале економскиот раст.
БИЗНИС
Вредноста на „Спејс екс“ порасна на 350 милијарди долари
На корпоративен план, компанијата на Илон Маск, „Спејс екс“ (SpaceX) и нејзините инвеститори се договорија да купат инсајдерски акции во вредност од дури 1,25 милијарда долари, во рамките на трансакција со која вредноста на овој производител на ракети и сателити е проценета на околу 350 милијарди долари. Тоа се наведува во интерен имејл во кој „Блумберг“ имал увид. Цената по акција од 185 долари е значително поголема во однос на 112 долари, колку што изнесуваше за време на претходната валуација пред помалку од три месеци.
Бајден ја блокира понудата на „Нипон стил“
Остануваме во Америка, каде што понудата на јапонскиот „Нипон стил“ (Nippon Steel) за преземање на американската компанија „УС стил“ (US Steel) изгледа дека влегува во завршница. Имено, Џо Бајден најави дека формално ќе ја блокира продажбата во вредност од 14,1 милијарди долари, наведувајќи ја како причина загриженоста за националната безбедност.
Да потсетиме, Американецот подолго време апелира на тоа, а во април годинава побара поголеми тарифи за кинескиот челик и алуминиум. Тука исто така се споменува неговата намера да го задржи „УС стил“ во американска сопственост.
БЕРЗИ
Европа
Фјучерсите на европските акции утрово се тргуваат претежно во црвено, во исчекување на утрешната одлука на Европската централна банка (ЕЦБ) за каматните стапки. Аналитичарите на „Блумберг Адрија“ очекуваат продолжување на монетарното попуштање и намалување на депозитната каматна стапка за дополнителни 25 базични поени, на ниво од три проценти, што е најниско уште од пролетта 2023 година.
САД
Од другата страна на Атлантикот, фјучерсите на американските индекси се тргуваат со добивки, пред објавувањето на најновите податоци за инфлацијата. Економистите на „Блумберг“ прогнозираат дека инфлацијата минатиот месец забрзала на 2,7 проценти од 2,6 проценти во октомври. Најновите податоци ќе влијаат и на монетарната политика на Фед, кој, според очекувањата на повеќето економисти, следната недела ќе ги намали каматните стапки за четвртина процентен поен. Повеќе за тоа кои акции ги претпочитаат инвеститорите слушаме од аналитичарката на компанијата РБЦ.
Азија
Акциите во азиско-пацифичкиот регион се тргуваат мешано. Акциите во Хонгконг и континентална Кина се колебаат, пред почетокот на годишниот економски состанок во Пекинг, додека акциите во Тајван и во Австралија се во пад. Јужнокорејските акции регистрираат раст втор ден по ред, закрепнувајќи така од минатонеделната краткотрајна вонредна состојба што ја турна земјата во политички превирања.
.webp){kind=icon}
Во моментов нема коментари за веста. Биди прв да коментира...