Американскиот претседател Доналд Трамп ѝ се обрати на нацијата во вторникот вечер по источноамериканско време, на заедничката седница на Конгресот. Тоа беше неговиот прв (голем) говор откако ја презеде функцијата претседател пред помалку од 50 дена. Меѓу другото, Трамп изнесе аргументи за продолжување на својата внатрешно и надворешнополитичка агенда, вклучувајќи го и запирањето на воената помош за Украина.
ПОЛИТИКА
Трамп одржа говор пред Конгресот
Трамп во обраќањето, кое траеше речиси час и четириесет минути, зборуваше за економските одлуки што ги донел досега, но и за Украина, царините и мигрантите. Исто така тој рече дека добил писмо од украинскиот претседател Володимир Зеленски, во кое пишува дека Украина е подготвена да потпише договор за минерали и да преговара за завршување на војната со Русија.
Прочитај повеќе
Царини, протести на демократите: Пет клучни моменти од говорот на Доналд Трамп
Говорот првенствено беше насочен кон републиканците, кои често го наградуваа со аплауз и скандирања „САД“.
пред 19 часа
Прочитајте повеќе: Царини, протести на демократите: Пет клучни моменти од говорот на Доналд Трамп
Да потсетиме, претседателот на Украина вели дека е подготвен брзо да работи на завршување на војната со Русија, нагласувајќи дека неговиот драматичен конфликт - на патот кон постигнување мир - со претседателот на САД, Доналд Трамп, е „тажен“. Изјавите на Зеленски претставуваат помирлив гест кон Трамп, откако Американецот нареди пауза во американските воени ангажмани за Украина.
„Америка се врати“
Американскиот претседател за време на својот говор во Конгресот порача и дека во САД ќе постои „извесен период на приспособување“ откако ќе стапат во сила американските царини, но уште еднаш застана во одбрана на својата визија да ја направи Америка, како што рече, повторно богата и голема.
Трамп претстави нови проекти, вклучувајќи ја и изградбата на гасовод на Алјаска, но најави и напори за зголемување на производството на клучни минерали, што, како што тврди, ќе ја поттикне домашната индустрија. Тој изјави и дека неговата администрација од претседателот Џо Бајден наследила „инфлаторен кошмар“ и дека неговите мерки веќе помогнале во закрепнувањето на економијата. Тој повика и на укинување на програмата за субвенции за производство на полупроводници, вредна 52 милијарди долари, и ја повтори одлуката за воведување царини од 25 проценти на увозот на алуминиум, бакар и челик.
Кина постави цел за раст од пет проценти во 2025 година
Кина ја утврди својата цел за економски раст на околу пет проценти за годинава, што ги зголеми шансите за воведување дополнителни субвенции за економијата, во светло на ескалацијата на трговската војна со САД. Кинескиот премиер Ли Чијанг ја најави целта за раст за време на поднесувањето на годишниот извештај за работата на владата пред националниот парламент во Пекинг.
БЕРЗИ
Европа
Фјучерсите на европските акции утрово се тргуваат мешано, пред одлуката на Европската централна банка за каматната стапка в четврток. Економистите на „Блумберг“ очекуваат дека ЕЦБ ќе ја намали каматната стапка на депозити на 2,5 проценти, но внатрешните поделби би можеле да го комплицираат донесувањето одлуки во наредните месеци.
САД
Истовремено, фјучерсите на американските индекси се тргуваат претежно во зелено, откако американскиот министер за трговија Хауард Лутник рече дека администрацијата на Трамп би можела да се откаже од некои царини. Лутник најави дека САД веќе денеска би можеле да објават царински олеснувања за мексиканската и канадската стока опфатена со северноамериканскиот договор за слободна трговија. На растот на фјучерсите влијаеше и говорот на американскиот претседател пред Конгресот, во кој ги бранеше своите економски планови. Економската ситуација во САД ја коментираше и економистот Мохамед Ел-Ериан, кој смета дека се зголемил ризикот од рецесија, но и дека е можно уште едно намалување на каматните стапки од страна на Фед.
Азија
Кога станува збор за акциите во азиско-пацифичкиот регион, тие претежно се тргуваат со добивки. Акциите во Хонгконг предничат по добивките, откако поставената цел за кинескиот економски раст ги зголеми облозите за дополнителни поттикнувања на економијата. Да потсетиме, Кина за годинава постави цел за раст од околу пет проценти.
.webp){kind=icon}
