Во повеќе градови низ државата синоќа се одржаа собири во спомен на жртвите од трагичниот пожар во дискотеката „Пулс“ во Кочани. Граѓаните изразија сочувство и поддршка кон семејствата на загинатите и повредените, барајќи одговорност од институциите. Во меѓувреме истрагата за несреќата продолжува, при што за случајот досега се приведени 18, а задржани 16 лица. Погребите на настраданите се закажани за четврток.
Во Скопје собирот на граѓани го обележија 16-минутен молк и ѕвездено небо на плоштадот „Македонија“. Илјадници граѓани се собраа да изразат поддршка во овие најтешки моменти.
Фотографија од собирот во Скопје
МИА
Во Паркот на револуцијата во Кочани се одржаа два собира. Првиот, под мотото „Слобода за нашите херои“, каде што се бараше ослободување на притворените лица од обезбедувањето, а вториот собир, предводен од митрополитот брегалнички Иларион, беше посветен на молитва за покој на душите на загинатите и побрзо оздравување на повредените.
Прочитај повеќе
Разрешени полициски началници и командири во Штип и во Кочани
Поради трагедијата во дискотеката „Пулс“ во Кочани се разрешени началници, помошници и командири во Штип и во Кочани, потврдија од МВР.
18.03.2025
Протест во Кочани, гневните граѓани бараат да се појави градоначалникот
Граѓаните пред општинската зграда фрлаа со јајца и бараа да излезе градоначалникот.
17.03.2025
На платото на УКИМ студенти и професори оддадоа почит за жртвите
Собирот започна со седумминутен молк на големиот број присутни студенти од кои беше исполнет кампусот на УКИМ.
17.03.2025
Дискотеката во Кочани работела во објект наменет за лесна индустрија
Како што истакна министерот за внатрешни работи, над 22-23 лица се осомничени за целиот настан.
17.03.2025
Собири во чест на загинатите и поддршка за повредените се одржаа и во Делчево, Битола, Крива Паланка, Охрид, Штип, Куманово, Струмица, Валандово и Гевгелија.
Јавниот обвинител Љупчо Коцевски вчера изјави дека истрагата за пожарот во Кочани во кој загинаа 59 лица, а над 150 се повредени, ќе биде брза и ефикасна и најпрофесионално изведена. Тој вели дека мора да се соберат сите докази и затоа обвинителскиот тим постапува многу претпазливо.
Транспаренти од собирот во Скопје
МИА
Тој ги сподели последните информации за постапката, според кои мерка краткотраен притвор досега е побарана за 16 лица.
„За разлика од претходниот ден, кога имаше 14 лица, во моментов има 16 лица, со тоа што уште едно лице во моментов чека во зградата на Јавното обвинителство, по барање на ЈО од страна на судот да се определи мерка 48-часовен притвор. Тоа што можам да кажам е дека има уште три лица што се хоспитализирани, меѓутоа по нив не може сега да се постапува имајќи предвид дека се во болница, со тоа што едното е надвор од државата, а другите две лица се тука, во државата“, кажа Коцевски, додавајќи дека кога медицинскиот персонал ќе каже дека со нив може да се изврши разговор, тогаш јавниот обвинител ќе постапи.
Коцевски дополни дека местото на настанот сѐ уште е обезбедено, а доколку има потреба, и натаму ќе се собираат докази.
Министерот за внатрешни работи Панче Тошковски информира дека се идентификувани и е завршена обдукцијата на сите 59 починати лица. При пожарот, како што посочи тој, повреди добиле 196 лица, од кои 20 се деца, додавајќи дека во моментот 93 повредени се на лекување во скопските болници, а 80 се транспортирани во странство, и тоа во Србија, Бугарија, Турција, Грција, Австрија, Литванија, Словенија, Унгарија и во Хрватска.
Погребите на настраданите во пожарот во дискотеката „Пулс“ ќе бидат в четврток, 20 март, соопшти вчера директорот на Центарот за управување со кризи, Стојанче Ангелов, кој имаше прес-конференција заедно со митрополитот на Брегалничката епархија, г. Иларион.
.webp){kind=icon}
