Министерот за внатрешни работи Панче Тошковски на денешната прес-конференција соопшти дека во кочанската дискотека „Пулс“, во која изби пожар за време на настапот на групата ДНК, имало околу 500 лица, од кои загинати се 59, а повредени 162. Официјално биле продадени 250 билети.
Извршена е обдукција на 15 лица, увидот и натаму е во тек, а 45 лица се во критична состојба и се транспортираат во странство.
Од извршен разговор со член на групата ДНК е утврдено дека прскалките во дискотеката ги донел бендот.
Прочитај повеќе
Градоначалникот на Кочани поднесе оставка по трагедијата во градот
Доколку постои каков било основ за одговорност кај мене, го повикувам обвинителството да го испита тоа и да постапи во согласност со законите, посочи Љупчо Папазов.
пред 6 часа
Над 40 повредени пренесени на лекување во странство, некои се во многу тешка состојба
Над 140 повредени во пожарот во дискотеката во Кочани се згрижени во текот на вчерашниот ден, 90 се наоѓаат во болниците во земјава, а 44 се прифатени во болници во странство.
пред 9 часа
Коцевски: Во дискотеката немало хидрант, а имало само два ПП апарати
ЈО засега бара притвор за десет лица.
пред 22 часа
„Во врска со пиротехничките средства користени за време на настапот од кои беше предизвикан пожарот, во моментов се прави форензичка анализа, по што ќе се утврдува нивната категоријата и дали требало да има сертификат за нив“, посочи Тошковски.
Приведени се пет лица на територијата на СВР-Скопје и СВР-Тетово, меѓу кои и поранешен министер, како и 13 лица на подрачјето на СВР-Штип, од кои 11 се во краткотраен притвор од 48 часа.
Како што истакна министерот, над 22-23 лица се осомничени за целиот настан.
Министерот повтори дека од извршениот увид во текот на вчерашниот ден се констатирани низа неправилности во дискотеката - немала лиценца, објектот бил наменет за лесна индустрија, а не за угостителска дејност, не биле испочитувани правилата за противпожарна заштита, немало излези за евакуација, а концертот бил одржан на диво, без договор меѓу организаторот и изведувачите.
„Македонија нема систем со правила на игра што би превенирале ваков ужасен настан. Имаме системски слабости што оневозможуваат контрола. Констатиравме дека системот во Македонија е корумпиран на тоа ниво што можеме да кажеме дека има катастрофална состојба на постапување на институциите“, потенцира Тошковски.
Министерот најави дека и денеска ќе бидат приведени голем број лица од различни институции, меѓу кои и од МВР.
.webp){kind=icon}
