Над 140 повредени во пожарот во дискотеката во Кочани се згрижени во текот на вчерашниот ден, 90 се наоѓаат во болниците во земјава, а 44 се прифатени во болници во странство. Уште осум повредени треба да бидат пренесени во Хрватска и во Романија, информира директорот на Фондот за здравствено осигурување, Сашо Клековски.
Клековски синоќа информира дека во Клиничкиот центар се хоспитализирани 20 повредени, во ГОБ „8 Септември“ - 20, во „Свети Наум Охридски“ - 21, во Клиничката болница во Штип - 20, во Општата болница во Кочани седум и на Токсикологија - двајца. Има пациенти и во приватните болници „Аџибадем Систина“ и „Жан Митрев“.
Во странство се прифатени 44 повредени, и тоа во Србија - 17, Бугарија - 14, Турција - деветмина и во Грција - четворица. Бројките се менуваат поради пренесување на повредените во други болници, потенцира Клековски.
Прочитај повеќе
Македонија пулсира во тага, бол и бес по трагедијата во Кочани
Траорното утро во Кочани бара континуиран ремонт на системот и строги казни за секој што носи одговорност.
17.03.2025
Коцевски: Во дискотеката немало хидрант, а имало само два ПП апарати
ЈО засега бара притвор за десет лица.
16.03.2025
Тошковски: Осомничени 20-тина лица за трагедијата во Кочани, дискотеката немала лиценца
Четворица од осомничените се во болница, меѓу кои два члена на музичката група, син на сопственикот на дискотеката и управителот на фирмата.
16.03.2025
Потврдена смртта на членови на бендот ДНК
Потврдена е и смртта на фудбалерот на скопскиот фудбалски клуб „Шкупи“, Андреј Лазаров.
16.03.2025
Клековски најави дека доцна синоќа и рано утрово уште осум повредени лица ќе заминат во странство, по четворица во Хрватска и во Романија. Имало можности за префрлање повредени и во Словенија и Унгарија по четири лица и во Австрија шест лица.
Тој потсети дека во Клиничкиот центар функционира Кризниот штаб на Министерството за здравство, во координација со МВР и со МНР.
„Состојбата на сите пациенти се набљудува и конзилијарно се одлучува за понатамошните постапки“, додаде Клековски.
Синоќа пристигнал еден тим од ВМА од Белград. Се очекуваат медицински тимови и од Чешка, Израел и Белгија.
Во меѓувреме, Универзитетската болница „Н. И. Пирогов“ во Софија одржа прес-конференција, на која директорот на болницата д-р Валентин Димитров изјави дека кај нив се хоспитализирани вкупно осум лица повредени во пожарот што избувна во дискотеката во Кочани, јави БТА.
Меѓу примените пациенти има тројца малолетници - две девојчиња и едно момче, додека другите се четворица мажи и една жена, на возраст од 22 до 25 години. Највозрасниот пациент има 31 година.
Состојбата на сите пациенти е тешка, со изгореници на телото, горните екстремитети и лицето, како и на горните и долните дишни патишта, што дополнително ја комплицира нивната здравствена состојба. Според д-р Димитров, тројца од пациентите се интубирани, додека за преостанатите ќе бидат направени дополнителна медицинска процена и терапевтски план.
„Ќе биде направено сè што е потребно, болницата располага со сите неопходни ресурси“, нагласи тој. Димитров додаде дека сите пациенти биле однесени во тешка состојба на термички шок, што е сериозна закана за организмот, независно од брзината на лекарската интервенција.
Во Солун, во болницата Папаниколау и во воената болница, хоспитализирани се вкупно пет лица повредени во пожарот, а од нив двајца се веќе оперирани, додека пак на други двајца им била извршена трахеотомија, според информациите на дописничката на МИА од Атина.
.webp){kind=icon}
